[V srédu véčera],

Stích: Ášče bezzakónija názriši Hóspodi, Hóspodi, któ postojít? jáko u tebé očiščénije jésť.

 Hl.8. Podóben: Hóspodi, ášče i na sudíšči: Hóspodi, tý Uťíšiteľa zarjámi apóstoly tvojá prosvitíl jesí,* i svitíla položív ťích víri utverždénije,* úmnym prosviščénijem rázuma tvojehó Vladýko:* sehó rádi poklaňájemsja* neizrečénnomu čelovikoľúbiju tvojemú.

Stích: I mené rádi tvojehó, poterpích ťá Hóspodi, poterpí dušá mojá v slóvo tvojé, upová dušá mojá na Hóspoda.

Hóspodi, tý apóstol molítvami ohradíl jesí stádo tvojé sijé,* ot vrahóv iskušénija nevrédno sochraňája:* zané čéstnóju tó iskupíl jesí króviju ot rabóty čuždáho,* jáko ščédr i čelovikoľúbec.

Stích: Ot stráži útrennija do nóšči, ot stráži útrennija da upovájet Izrájiľ na Hóspoda.

Javístesja kúpno vo osnovániji cerkóvňim,* jáko čestnóje kámenije,* zaréju svítloju vselénňij blistájušče Bohorazúmije izvístno,* apóstoli božéstvenniji, Tróici predstojáteli,* i molítvennicy o dušách nášich.

Stích: Jáko u Hóspoda mílosť, i mnóhoje u nehó izbavlénije: i tój izbávit Izráiľa ot vsích bezzakónij jehó.

hlás 4 Podóben: jáko dóbľa: I veríhami svjazújemi, * i v temníci zakľučájemi, * i zvirém v sňíď izdavájemi, * povíšeni i strúžemi, * vo óhň že vmetájemi, * i Božéstvennuju pómošč s nebesé prijémľušče, * nepokolebími prebýste, * ľubóviju Vladýki Spása vsích, * Kárpe i Papíle premúdriji.

Stích: Chvalíte Hóspoda vsí jazýcy, pochvalíte jehó vsí ľúdije.

Na kámeni víry * utverdív tvojé pomyšlénije, * neuklónnyj mudrovánijem múčeniče Papíle, * kamenobijém rádovalsja jesí, * Božéstvennomu podóbjasja * múčenikov načáľniku archidijákonu Stefánu, * jáko služíteľ, i jáko Bóžijich táin sluhá, * jáko sočislén múčenikom, * i ánhelom sobesídnik.

Stích: Jáko utverdísja mílosť jehó na nás, i ístina Hospódňa prebyvájet vo vík.

Na putí šéstvujušče * sviďíteľstva neuklónno, * žeľíznym obúščam prihvoždájemi, * vrahá i hubíteľa žála, vsechváľniji, * sokrušíste tvérďi, * i pobídami vinčástesja: * ťím vsjá Christóva cérkov * prázdnujet svjatúju vášu pámjať, * svitonósnuju i blahoznamenítuju.

Sláva, hlás 6: Jáko dostójin v bohovídcich,* nebesá tý víďil jesí, prepodóbne, otvérzena,* i Hóspoda na prestóľi siďášča,* i Cheruvími i Serafími ókrest jehó,* i ot tebé páki mý prosvíščšesja,* svjaščénnoje tvojé stádo, Kárpe, vopijét tebí:* prosí míra míru,* i dušám nášym vélija mílosti.

i nýňi, Bohoródičen: hl.8. Vížď mojehó sokrušénnaho sérdca vozdychánije Bohonevísto,* prijimí Ďívo Maríje čístaja,* rúk mojích vozďijánije, jáko čelovikoľubíva,* i ne otríni vseneporóčnaja:* da pojú i veličáju ťá vozvelíčivšuju ród náš.

Prokímen dné: hl.5. Bóže, vo ímja tvojé spasí mjá, i síľi tvojéj sudí mí.

Stích: Bóže uslýši molítvu mojú, vnuší hlahóly úst mojích.

Na stichóvňi stichíry apóstoľskija.

Hlás 8: Hóspodi, tebé usérdno na zemlí apóstoli vozľubívše,* uméty vminíša vsjá,* da tebé jedínaho priobrjáščut,* i za ťá na rány ťilesá svojá predáša:* sehó rádi proslávleni bývše,* i móľatsja o dušách nášich.

Stích: K tebí vozvedóch óči mojí živúščemu na nebesí. Sé jáko óči ráb v rukú hospódij svojích jáko óči rabýni v rukú hospoží svojejá: táko óči náši ko Hóspodu Bóhu nášemu, dóndeže uščédrit ný.

Hóspodi, tý apóstolov pámjať na zemlí vozvelíčil jesí:* vsí bo vkúpi sošédšesja v néj slavoslóvim ťá:* jáko podajéši nám ťích rádi iscilénija,* i vsemú míru umirénije molítvami ích,* i véliju mílosť.

Stích: Pomíluj nás Hóspodi, pomíluj nás, jáko po mnóhu ispólnichomsja uničižénija: najpáče napólnisja dušá náša ponošénija hobzújuščich, i uničižénija hórdych.

múčeničen: Ášče kája dobroďítel,* i ášče kája pochvalá podobájet svjatým:* mečém bo prekloníša výji,* tebé rádi preklóňšaho nebesá i sošédša:* prolijáša króvi svojá tebé rádi istoščívšaho sebé,* i zrák rabá prijémša:* smiríšasja dáže do smérti,* niščeťí tvojéj podóbjaščesja:* íchže molítvami, po mnóžestvu ščedrót tvojích,* Bóže pomíluj nás.

Sláva, i nýňi, Bohoródičen: Áz, Ďívo svjatája Bohoródice,* k pokróvu tvojemú pribiháju:* vím, jáko obrjášču tobóju spasénije,* móžeši bo čístaja, pomoščí mňí.

Táže, Nýňi otpuščáješi: i Trisvjatóje. Po ótče náš:  Tropár, hlás 4: Múčenicy tvojí, Hóspodi, vo stradánijich svojích vincý prijáša netľínnyja ot tebé Bóha nášeho: imúšče bo kríposť tvojú, mučítelej nizložíša, sokrušíša i démonov nemoščnýja dérzosti. Ťích molítvami spasí dúšy náša.

Sláva i nýňi: Mýslennaja vratá žizni prečístaja Bohoródice, pritekájuščaja k tebí vírno izbávi ot bid, da slávim presvjatóje roždestvó tvojé, vo spasénije duš nášich.