Rád svätého Bazila Veľkého

Ľude sidajuť.
Psalóm 4.
Vnehdá prizváti mňi, uslýša mja Boh právdy mojejá,* v skórbi rasprostraníl mja jesí.
Uščédri mja,* i uslýši molítvu mojú. 
Sýnove čelovíčestiji, dokóľi ťažkosérdiji?* vskúju ľúbite sujetú i  íščete lži? 
I uvídite, jáko udiví Hóspoď prepodóbnaho svojehó:* Hóspoď uslýšit mja vnehdá prizváti mi k nemú.
Hňívajtesja, i ne sohrišájte:* jáže hlahólete v  serdcách vášich, na lóžach vášich umilítesja. 
Požríte žértvu právdy, i upovájte na Hóspoda,*  Mnózi hľahóľut: kto javít nam blahaja? 
Známenasja na nás svít licá tvojehó, Hóspodi,* dal jesí vesélije  vo sérdci mojém. 
Ot plodá pšenícy, viná i jeléja svojehó* umnóžišasja. 
Vo míri, vkúpi * usnú i počíju. 
Jáko ty, Hóspodi, jedínaho na upovánije * vselíl mja jesí.
Ľude vstavajuť.
Sláva Otcú  i Sýnu, i Svjatómu Dúchu,* i nýňi, i prísno i vo viki vikóv. Amíň
Alilúja , Alilúja, Aliluja, sláva tebí Bóže. 3x
Hóspodi pomíluj , Hóspodi pomíluj,* Hóspodi pomíluj

S námi Boh, razumíjte jazýcy, i pokarjájtesja, jáko s námi Boh. 3x
    Uslýšite do posľídnych zemlí, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    Mohúščiji pokarjájtesja, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    Ášče bo páki vozmóžete, i páki pobiždéni búdete, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    I íže ášče sovít soviščavájete, razorit (í) Hóspoď, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    I slóvo, jéže ášče vozhlahólete, ne ímať prebyváti vo vás, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    Strácha že vášeho ne imámy ubojátisja, niže soblaznítisja, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    Hóspoda že Boha nášeho svjatíte, i toj búdet vám v bojázň, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    I íže ášče náň naďíješisja, i toj búdet ti vo osvjaščénije, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    I upovájušče búdem naň, i spasémsja jehó rádi, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    Se az i ďíti, jáže mi dal jesť Boh, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    Ľúdije siďáščiji vo tmi víďiša svít vélij, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    Živúščiji vo straňí i síni smértňij, svít vozsijájet na vy, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    Jáko otročá rodísja nám, i Syn dadésja nám, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    Jehóže načálstvo bysť na rámi jehó, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    I mira jeho ňísť preďíla, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    I naricájetsja ímja jehó, velíka sovíta Ánhel, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    Čúden sovítnik, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    Boh krípok,vlastíteľ, načálnik míra, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    Otec budúščaho víka, jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    Sláva Otcú  i Sýnu i Svjatómu Dúchu: jáko s námi Boh.
S námi Bóh, razumíjte jazýcy, i pokarjájtesja, jáko s námi Bóh
    I nýňi i prísno, i vo víki vikóv, amíň: jáko s námi Boh.
S námi Boh , razumíjte jazýcy, i pokarjájtesja, jáko  s námi Boh
S námi Bóh, razumíjte jazýcy, i pokarjájtesja, jáko s námi Bóh
S námi Bóh, razumíjte jazýcy, i pokarjájtesja, jáko s námi Bóh

Deň prešéd blahodarjú ťa, Hóspodi, véčer, moľúsja, s nóščiju, bez hrichá podážď mi, Spáse, i spasí mja.
Sláva: Deň prešéd slavoslóvľu ťa, Vladýko, véčer, moľúsja, s nóščiju bez sobláznstvo podážď mi, Spáse, i spasí mja.
I nýňi: Deň prešéd pisnoslóvľu ťa, Svjatýj, večer, moľúsja, so nóščiju nenavíten podážď mi, Spáse, i spasí mja.

Bezplótnoje jestestvó Cheruvímskoje, nemólčnymi písňmi ťa slavoslóvjat: šestokrýlnaja, žyvótnaja Serafími neprestánnymi hlásy ťa prevoznósjat. Ánhelov že vsja vójinstva trisvjatými písňmi ťa voschvaľájut. Préžde bo vsich jesí syj Otéc, i sobeznačálna ímaši tvojehó Sýna, i ravnočéstna nosjáj Dúcha žízni, Trójcy javľáješi nerazďíľnoje. 

Presvjátaja Ďívo Máti Bóžija, i íže Slóva samovídcy i sluhí, Prorók že i Múčenik, i vsi lícy, jáko bezsmértnu imúšče žizň: o vsich molítesja priľížno, jáko vsi jesmý v bidách, da prélesti izbávlšesja lukávaho, Ánhelskuju vopijém písň: svjatýj, svjatýj, svjatýj, trisvjatýj Hóspodi, pomíluj i spasí nás, amíň.

Víruju vo jedínaho Bóha Otcá, vsederžíteľa,* tvorcá néba i zemlí, vídimych že vsich i nevídimych.
I v jedínaho Hóspoda Isúsa Christá Sýna Bóžija * jedinoródnaho, iže ot Otcá roždénnaho préžde vsich vik.
Svíta ot svíta, Boha ístinna ot Boha ístinna,* roždénna, nesotvorénna, jedinosúščna Otcú, ímže vsja býša.
Nas ďíľa čelovik, i nášeho rádi spasénija sšédšaho s nebés,* i voplotívšahosja ot Dúcha svjáta, i Maríji Ďívy, i vočelovíčšasja.
Raspjátaho že za ny pri Pontíjsťim Piláťi, i stradávša i pohrebénna,*
i voskrésšaho v tréťij deň po pisánijem.
I vozšédšaho na nebesá, i siďáščaho odesnúju Otcá,* i páki hrjadúščaho so slávoju sudíti živým i mértvym, jehóže cárstviju ne búdet koncá.
I v Dúcha Svjatáho, Hóspoda životvorjáščaho,* iže ot Otcá i Sýna ischoďáščaho
Iže so Otcém i Sýnom spoklaňájema i soslávima,* hlahólavšaho Proróki.
Vo jedínu, svjatúju, sobórnuju* i apostolskuju Cérkov.
Ispovíduju jedíno kreščénije* vo ostavlénije hrichóv.
Čáju voskresénija mértvych.* I žízňi búduščaho víka. Amíň.

Presvjatája Hospožé Vladýčice Bohoródice vsemílostivaja, molí Bóha o nas hríšnych.
Vsja nebésnyja Síly, svjatíji Ánhely i Archánhely, molíte Bóha o nas hríšnych.
Svjatýj velíkij Joáne Proróče i Predtéče, Krestiteľu Hospodeň, molí Bóha o nas hríšnych.
Svjatiji slávniji i vsechváľniji Apóstoli, Prorócy, Múčenicy, i vsi Svjatíji, molíte Bóha o nas hríšnych.
Prepodóbniji bohonósniji Otcý náši, Pástyrije i Učítelije vselénnyja, molíte Bóha o nas hríšnych.
Iže vo svjatých Otče náš Vasílije Velíkij, molí Bóha o nas hríšnych.
Svjatýj svjaščennomúčeniče Christóv Josafáte, molí Bóha o nas hríšnych.
Prepodóbniji Otcý náši Antónije i Teodózije Pečérstiji, molíte Bóha o nas hríšnych.
Nepobidímaja i nepostižímaja, i božéstvennaja sílo čestnáho i životvorjáščaho Krestá Hóspodňa, ne ostávi nas hríšnych upovájuščych na ťa.
Bóže, milóstiv búdi nam hríšnym.
Bóže, očísti hrichý náša i pomíluj nas.

Trisvjatoje po Otče naš:
Tropár, hl.1: Vo Jordáňi kreščájuščusja Tebí Hóspodi, trójčeskoje javísja poklonénije, Rodítelev bo hlás sviďítelstvovaše Tebí, vozľúblennaho Ťa Sýna imenúja, i Dúch vo víďi holubíňi izvístvovaše slovesé utverždénije: javléjsja, Christé Bóže, i mír prosviščéj, sláva Tebí.

Hóspodi pomíluj 5x,* Hóspodi pomíluj 5x
Hóspodi pomíluj 5x,* Hóspodi pomíluj 5x
Hóspodi pomíluj 5x,* Hóspodi pomíluj 5x
Hóspodi pomíluj 5x,* Hóspodi pomíluj 5x
Sláva Otcu  i Sýnu i Svjatómu Dúchu, i nýňi, i prísno, i vo viki vikóv. Amíň.
Čestňíjšuju Cheruvím i slávňijšuju bez sravnénija Serafím, bez istľínija Bóha Slóva róždšuju, súščuju Bohoródicu ťa veličájem.
Imenem Hospodnim blahosloví Otče.
Svj.: Molítvami svjatých otéc nášich, Hóspodi Isúse Christé Bóže náš pomíluj nás.
Ľ.: Amíň.
 
Molítva svjatáho Vasílija Velíkaho:
Svj.: Hóspodi, Hóspodi, izbavléj nas ot vsjákija strilý leťáščija vo dni, izbávi nas ot vsjákija véšči vo tmi prechoďáščija. Prijmí žértvu večérňuju rúk nášich vozďijánije. Spodóbi že nas i nóščnoje póprišče bez poróka prejtí neiskušény ot zlých, i izbávi nas ot vsjákaho smuščénija i bojázni, jáže ot dijávola nám pribyvájuščija. Dáruj dušám nášym umilénije i pomyslóm nášym popečénije, jéže na strášňim i právedňim Tvojém suďí ispytánija. Prihvozdí stráchu Tvojemú plóti náša i umertví údy náša súščyja na zemlí, da i sónnym bezmólvijem prosvitímsja, zrínijem súdeb Tvojích: otimí že ot nás vsjákoje mečtánije nepodóbnoje i póchoť vrédnu, vozstávi že nás vo vrémja molítvy, utverždény vo víri i prespivájuščyja v zápovidech Tvojích, blahovolénijem i bláhostiju jedinoródnaho Sýna Tvojehó, s nímže blahoslovén jesí s presvjatým i blahím, i životvorjáščim Tvojím Dúchom, nýňi i prísno i vo víki vikóv.
Ľ:Amíň.

Prijdíte poklonímsja  Cárevi nášemu Bóhu.
Prijdíte, poklonímsja, Christú Cárevi, nášemu Bohu.
Prijdíte, poklonímsja i pripadém sámomu Hóspodu Isúsu Christú, Cárevi i Bohu nášemu.

Ľude sidajuť.
Psalóm 50.
Pomíluj mja, Bóže,* po velícij mílosti tvojéj. 
I po mnóžestvu ščedrót tvojích* očísti bezzakónije mojé. 
Najpáče omýj mja ot bezzakónija mojehó,* i ot hrichá mojehó očísti mja. 
Jáko bezzakónije mojé az znáju,* i hrich moj predomnóju jesť výnu. 
Tebí jedínomu sohriších i lukávoje pred tobóju sotvorích,* jáko da opravdíšisja vo slovesích tvojích, i pobidíši vnehdá sudíti ti. 
Se bo v bezzakónijich začát jesm,* i vo hrisích rodí mja máti mojá. 
Se bo ístinu vozľubíl jesí:* bezvístnaja i tájnaja premúdrosti tvojejá javíl mi jesí. 
Okropíši mja yssópom i očíščusja,* omýješi mja, i páče sňíha obíľusja.
Slúchu mojemú dási rádosť i vesélije,* vozrádujutsja kósti smirénnyja. 
Otvratí licé tvojé ot hrich mojích:* i vsja bezzakónija mojá očísti.
Sérdce čísto sozíždi vo mňi, Bóže,* i duch prav obnoví vo utróbi mojéj. 
Ne otvérži mené ot licá tvojehó,* i Dúcha tvojehó svjatáho ne ottimí ot mené. 
Vozdážď mi rádosť spasénija tvojehó,* i Dúchom vladýčnym utverdí mja. 
Naučú bezzakónnyja putém tvojím,* i nečestíviji k tebí obraťátsja. 
Izbávi mja ot krovéj, Bóže, Bóže, spasénija mojehó:* vozrádujetsja jazýk moj právďi tvojéj. 
Hóspodi ustňí mojí otvérzeši,* i ustá mojá vozvisťát chválu tvojú. 
Jáko ašče by voschoťíl jesí žértvy dal bych úbo,* vsesožžénija ne blahovolíši. 
Žértva Bóhu duch sokrušén:* sérdca sokrušénna i smirénna Boh ne uničižít. 
Ublaží, Hóspodi, blahovolénijem tvojím Sijóna,* i da soziždutsja sťíny Jerusalímskija. 
Tohdá blahovolíši žértvu právdy, voznošénije i vsesožžehajémaja,* tohdá vozložát na oltár tvoj telcý.

Molítva carja Manasíju:
Svj: Hóspodi vsederžíteľu, Bóže otéc nášich, Avraámov, i Isaákov, i Jákovľ, i símene ich právednaho, sotvorívyj nébo i zémľu so vséju ľípotoju ich, svjázavyj móre slóvom poveľínija tvojého, zakľučívyj bézdnu i zapečátstvovavyj jú strášnym i slávnym ímenem tvojím, jehóže vsjá bojátsja, i trepéščut ot licá síly tvojejá, jáko nepostojánna velikoľípota slávy tvojejá, i nesterpím hňív jéže na hríšniki preščénija tvojehó, bezmírna že, i neizsľídovanna mílosť obiščánija tvojehó: tý bo jesí Hospóď výšnij, blahoutróben, dolhoterpilív, i mnohomílostiv, i kájajsja o zlóbach čelovíčeskich. Tý, Hóspodi, po mnóžestvu bláhosti tvojejá obiščál jesí pokajánije i ostavlénije sohrišívšym tebí, i mnóžestvom ščedrót tvojích opreďilíl jesí pokajánije hríšnikom vo spasénije. Tý úbo, Hóspodi Bóže síl, ne položíl jesí pokajánije právednym, Avraámu, i Isaáku, i Jákovu, ne sohrišívšym tebí, no položíl jesí pokajánije na mňi hríšňim. Zané sohriších páče čislá peská mórskaho: umnóžišasja bezzakónija mojá, Hóspodi, umnóžišasja bezzakónija mojá, i ňísm dostójin vozzríti, i víďiti vysotú nebésnuju, ot mnóžestvá neprávd mojích, sľáčen jésm mnóhimi úzami žeľíznymi, vo jéže ne vozvestí hlavý mojejá, i ňísť mi oslablénija, zané prohňivách járosť tvojú, i lukávoje préd tobóju sotvorích, ne sotvorívyj vóli tvojejá, i ne sochranívyj poveľínij tvojích. I nýňi prikloňáju koľína sérdca, trébuja ot tebé bláhosti: sohriších, Hóspodi, sohriších, i bezzakónija mojá áz vím, no prošú moľásja: oslábi mi, Hóspodi, oslábi mi, i ne pohubí mené so bezzakóniji mojími, nižé vo vík vraždováv sobľudéši zól mojích, nižé osúdiši mjá v preispódnich zemlí, zané tý jesí, Bóže, Bóh kajúščichsja, i na mňi javíši vsju bláhosť tvojú, jáko nedostójna súšča spaséši mjá po mnózij mílosti tvojéj, i voschvaľú ťá výnu vo dnéch životá mojehó, jáko ťá pojét vsjá síla nebésnaja, i tvojá jésť sláva vo víki vikóv. Amíň.

Ľude vstavajuť.
Trisvjatoje po Otče naš:

Kondák, hl.4: Javílsja jesí dnés vselénňij, i svít Tvój, Hóspodi, známenasja na nás, vo rázumi pojúščich Ťa: prišél jesí i javílsja jesí svit nepristúpnyj.

Hóspodi pomíluj 5x,* Hóspodi pomíluj 5x
Hóspodi pomíluj 5x,* Hóspodi pomíluj 5x
Hóspodi pomíluj 5x,* Hóspodi pomíluj 5x
Hóspodi pomíluj 5x,* Hóspodi pomíluj 5x
Sláva Otcu, i Sýnu i Svjatómu Dúchu, i nýňi, i prísno, i vo víki vikóv. Amíň.
Čestňíjšuju Cheruvím i slavňíjšuju bez sravnénija Serafím. Bez istľínija Bóha Slóva róždšuju, súščuju Bohoródicu ťa veličájem.
Imenem Hospodnim blahosloví Otče.
Svj.: Molítvami svjatých otéc nášich, Hóspodi Isúse Christé Bóže náš pomíluj nás.
Ľ.: Amíň.
 
Molítva svjatáho Vasilíja Velíkaho:
Svj.: Vladýko Bóže, Ótče vsederžíteľu, Hóspodi, Sýne jedinoródnyj Isúse Christé, i svjatýj Dúše: jedíno Božestvó, jedína síla, pomíluj mjá hríšnaho, i ímiže vísi sudbámi, spasí mjá nedostójnaho rába tvojehó: jáko blahoslovén jesí, vo víki vikóv. Amíň.

Prijdíte poklonímsja  Cárevi nášemu Bóhu.
Prijdíte, poklonímsja , Christú Cárevi, nášemu Bohu.
Prijdíte, poklonímsja  i pripadém sámomu Hóspodu Isúsu Christú, Cárevi i Bohu nášemu.

Ľude sidajuť.
Psalóm 69.
Bóže v pómošč mojú voňmí,* Hóspodi, pomoščí mi potščísja.
Da postyďátsja i posrámjatsja,* íščuščiji duší mojejá. 
Da vozvraťátsja vspjať i postyďátsja,* choťáščiji mi zlája. 
Da vozvraťátsja ábije styďáščesja,* hlahóľuščiji mňi: bláhože bláhože. 
Da vozrádujutsja i vozveseľátsja o tebí vsi íščuščiji tebé Bóže,* i da hlahóľut výnu: da vozvelíčitsja Hospoď, ľúbjaščiji spasénije tvojé. 
Az že nišč jesm i ubóh,* Bóže, pomozí mi. 
Pomóščnik moj i izbáviteľ moj jesí ty, Hóspodi, * ne zakosní.

Ľude vstavajuť.
Male slavoslóvije
Sláva vo výšnich Bóhu, i na zemlí mir,* vo čelovícich blahovolénije. 
Chválim ťa, blahoslovím ťa,* kláňajemtisja, slavoslóvim ťa. 
Blahodarím ťa, velikíja rádi slávy tvojejá,* Hóspodi, Cárju nebésnyj. 
Bóže Otče vsederžíteľu, Hóspodi, Sýne jedinoródnyj* Isúse Christé, i Svjatýj Dúše, Hóspodi Bóže. 
Áhnče Bóžij,* Sýne Otč. 
Vzémľaj hrich míra,* pomíluj nas. 
Vzémľaj hrichí míra,* prijmí molítvy náša.
Siďáj odesnúju Otcá,* pomíluj nás. 
Jáko ty jedín svjat, ty jedín Hóspoď, Isús Christós,* vo slávu Bóha Otcá, amíň. 
Na vsjak deň blahoslovím ťa,* i voschválim ímja tvojé vo vik, i vo vik víka. 
Hóspodi, pribížišče byl jesí nam,* vo rod i rod. 
Az rich, Hóspodi, pomíluj mja,* i iscilí dúšu mojú, jáko sohriších tebí. 
Hóspodi, k tebí pribihóch, naučí mja tvoríti vóľu tvojú,* jáko ty jesí Bóh moj. 
Jáko u tebé jesť istóčnik životá,* vo svíťi tvojém úzrim svít. 
Probávi mílosť tvojú* víduščym ťa. 
Spodóbi, Hóspodi, v nošč sijú,* bez hrichá sochranítisja nám. 
Blahoslovén jesí, Hóspodi Bóže Otéc nášich,* i chváľno i proslávlenno ímja tvojé vo víki, amíň. 
Búdi, Hóspodi, mílosť tvojá na nás,* jákože upováchom na ťa. 
Blahoslovén jesí, Hóspodi,* naučí nás opravdánijem tvojím.  
Blahoslovén jesí, Vladýko,* vrazumí nás opravdánijem tvojím.  
Blahoslovén jesí, Svjatýj,* prosvití nás opravdániji tvojími. 
Hóspodi, mílosť tvojá vo vík,* ďil rukú tvojejú ne prézri.
Tebí podobájet chvalá,* tebí podobájet pínije.
Tebí sláva podobájet,* Otcú  i Sýnu i Svjatómu Dúchu 
I nýňi i prísno,* i vo víki vikóv, amíň.

Stichiry na litiji: hl. 4. bolharskij.
Oďivájajsja svítom jáko rízoju,* nas rádi po nam býti spodóbilsja jésť,* vo strují oďivájetsja dnés Jordánskija:* ne sam sich ko očiščéniju trébuja,* no sam sobóju ustrojájaj poroždénije.* O čudesé! bez ohňá izvarjájet, i nazidájet bez sokrušénija,* i spasét v nehó prosviščájemyja:* Christós Bóh i Spás duš nášich.
Tebé v Dúsi i ohní očiščájušča hrich míra,* zrja Krestíteľ hrjadúšča k sebí,* užasájasja i trepéšča, vopijáše hlahóľa:* ne smíju deržáti vérch Tvój prečístyj:* Ty mjá osvjatí, Vladýko, božéstvennym javlénijem Tvojím,* jedíne čelovikoľúbče.
 Priidíte, podražájim múdryja ďívy,* prijdíte srjáščim jávľšahosja Vladýku:* jáko priíde, jáko ženích ko Joánnu.* Jordán víďiv Ťa ubojásja i poždá.* Joánn vopijáše:* ne smíju deržáti verchá Bezsmértnaho.* Dúch nizchoždáše vo víďi holúbiňi osvjatíti vódy:* i hlás s nebesé:* sej jésť Sýn moj prišédyj vo mír spastí ród čelovíčeskij,* Hóspodi, sláva tebí.
Kreščájetsja Christós, i voschódit ot vodý,* sovozvódit bo so sobóju mír,* i zrít razvoďáščajasja nebesá,* jáže Adám zatvorí sebí i súščym s nim:* i Dúch sviďítelstvujet Božestvó,* podóbnomu bo predtíčet i hlás ot nebesé:* ottúdu bo sviďítelstvujemyj* Spás duš nášich.
 Trepetáše ruká Krestíteleva,* jehdá prečístomu Tvojemú verchú kosnúsja,* vozvratísja Jordán riká vspjať,* ne derzája služíti Tebí,* jáže bo ustyďísja Isúsa Navína,* káko Tvorcá svojehó ustrašítisja ne imjáše?* no vsé ispólnil jesí smotrénije, Spáse naš,* da spaséši mír javlénijem Tvojím,* jedíne čelovikoľúbče.
Sláva:  hl. 8. Hóspodi, ispólniti choťá* jáže ustávil jesí ot víka,* ot vsejá tvári služíteli tájny Tvojejá prijál jesí:* ot Ánhel Havrijíla,* ot čelovík Ďívu, ot nebés zvizdú,* i ot vód Jordán,* v némže bezzakónije mirskóje potrebíl jesí,* Spáse náš sláva tebí.
I nýňi:  Dnés tvár prosviščájetsja,* dnés vsjáčeskaja veseľátsja,* nebésnaja vkúpi i zemnája,* Ánheli  i čelovícy smišájutsja,* iďíže Carévo prišéstvije i čin prichódit:* tecím úbo vo Jordán,* i vídim vsi Joánna,* káko kreščájet vérch nerukotvorénnyj i bezhríšnyj?* ťímže apóstolskij hlás pripivájušče, sohlásno vozopijém:* javísja blahodáť Bóžija spasítelnaja vsím čelovíkom,* ozarjájušči i podajúšči vírnym véliju mílosť.

Litijna jekténija:
Svj.: Spasí, Bóže, ľúdi tvojá, i blahosloví dostojánije tvojé, posití mír tvoj mílostiju i ščedrótami, vozvýsi róh christijánskij, i nizposlí na ný mílosti tvojá bohátyja, molítvami prečístyja Vladýčicy nášeja Bohoródicy i prisnoďívy Maríji; síloju čestnáho i životvorjáščaho Krestá, zastuplénmi nebésnych Síl bezplótnych, čestnáho i slávnaho proróka, predtéči i krestíteľa Joánna, svjatých slávnych i vsechváľnych Apóstol, i íže vo svjatých Otéc nášich i vseléňskich velíkich učítelej i svjatítelej: Vasílija Velíkaho, Hrihórija Bohoslóva i Joánna Zlatoústaho, Atanásija i Kyrílla, i íže vo svjatých otcá nášeho Nikolája Mýr Lykíjskich čudotvórca, svjatých slavjáňskich Apóstol Kyrílla i Metódija, i svjatáho svjaščenomúčenika Josafáta, svjatých, slávnych i dobropobídnych Múčenik, prepodóbnych i bohonósnych otéc nášich, svjatých i právednych  Bohootéc Joakíma i Ánny i prepodobných i bohonósnych otéc nášich Antónija i Teodósija Pečérskich, i  svjatáho (jehóže jésť deň ilí chrám), i vsích Svjatých tvojích: mólim Ťa mnohomílostive Hóspodi, uslýši nás hríšnych moľáščichtisja, i pomíluj nás.
Ľ.: Hóspodi pomíluj 12x
Svj.: Jéšče mólimsja o svjaťíšem vselénsťím Archijeréji (ímja rék) Pápi Rímsťim, i o bohoľubívim jepískopi nášem Kýr (imjá rek), i o vsečestňíjšem otcí nášem Protoarchimandríťi (ímja rék), Protoihúmeňi (ímja rék), Ihúmeňi (ímja rék), i otcích nášich duchóvnych, i vséj vo Chrisťí brátiji nášej, i o vsjácij duší christijánsťij skorbjáščej i ozlóblenňij, mílosti Bóžija i pómošči trébujuščej: o pokrovéniji  svjatáho chráma sehó (obíteli sejá) i živúščich v ném (v néj), o soumiréniji i ustrojéniji vsého míra: o blahostojániji  svjatých Bóžijich Cerkvéj, o spaséniji i pómošči, íže so tščánijem i stráchom Bóžijim truždájuščichsja i služáščich otéc i brátij nášich, o póslannych, i vo otšéstviji súščich, o isciléniji v némoščech sležáščich, o pókoj blažénnyja pámjati i ostavléniji hrichóv vsím prežde počívšym otcém i brátijam nášim zďi ležáščym i povsjúdu pravovírnym: o izbavléniji pľinénnych, o brátijach nášich vo slúžbach súščich, i o vsích služáščich i poslužívšich vo svjaťím chrámi sém (obíteli séj), rcím vsí.
Ľ.: Kýrije eléjson 12x
Svj.: Uslýši ný, Bóže Spasíteľu náš, upovánije vsích koncéj zemlí, i súščich na móri daléče, i Mílostive, mílostiv búdi nám o hrisích nášich i pomíluj nás: mílostiv bo i čelovikoľúbec Bóh jesí, i tebí slávu vozsylájem, Otcú  i Sýnu i Svjatómu Dúchu, nýňi i prísno, i vo víki vikóv. Amíň.
Svj.: † Mír vsím.
Ľ.:  I dúchovi tvojému.
Svj.: Hlavý váša Hóspodevi prikloníte.
Ľ.: Tebí Hóspodi.
Svj.: Vladýko mnohomílostive, Hóspodi Isúse Christé Bóže náš, molítvami prečístyja Vladýčicy nášeja Bohoródicy i prisnoďívy Maríji, síloju čestnáho i životvorjáščaho Krestá, zastuplénmi nebésnych Sil bezplótnych, čestnáho i slávnaho proróka, predtéči i krestíteľa Joánna, svjatých slávnych i vsechváľnych Apóstol, svjatých, i dobropobídnych Múčenik, prepodóbnych i bohonósnych otéc nášich, i íže vo svjatých Otéc nášich i vseléňskich velíkich učítelej i svjatítelej: Vasílija Velíkaho, Hrihórija Bohoslóva i Joánna Zlatoústaho, Atanásija i Kyrílla, i íže vo svjatých otcá nášeho Nikolája Mýr Lykíjskich čudotvórca, svjatých slavjáňskich Apóstol Kyrílla i Metódija, i svjatáho svjaščenomúčenika Josafáta, svjatých i právednych  Bohootéc Joakíma i Ánny i prepodobných i bohonósnych otéc nášich Antónija i Teodósija Pečérskich i   svjatáho (jehóže jésť deň ilí chrám) i vsích Svjatých tvojích: blahoprijátnu sotvorí molítvu nášu, dáruj nám ostavlénije prehrišénij nášich, pokrýj nás króvom krylú tvojéju, otžení ot nás vsjákaho vráha i supostáta, umirí nášu žízň, Hóspodi, pomíluj nás i mír tvój, i spasí dúšy náša, jáko bláh i čelovikoľúbec.
Ľ.: Amíň.

Ľude sidajuť.
Srichiry na stichóvnach
hl. 2. samohlásen:
 Na Jordánsťij ricí,* víďiv Ťá Joánn k sebí hrjadúšča, hlahólaše:* Christé Bóže, štó k rabú prišél jesí,* skvérny ne imýj, Hóspodi?* Vo ímja že čijé Ťa kreščú?* Otcá? no tohó nosíši v sebí.* Sýna? no sam jesí voplotívyjsja.* Dúcha svjatáho? i sehó vísi dajáti vírnym ustý:* javléjsja, Bóže pomíluj nas.
stích: Móre víďi i pobižé,* Jordán vozvratísja vspjať.
 Víďiša Ťa vódy, Bóže,* víďiša Ťa vódy i ubojášasja,* k Tvojéj bo slávi protivozríti Cheruvímy ne móhut,* nižé vziráti Serafímy,* no so stráchom predstojášče,* óviji úbo nósjat, óviji že slávjat sílu Tvojú,* s nimíže, Ščédre, vozviščájem chvalú Tvojú, hlahóľušče:* javléjsja, Bóže, pomíluj nás.
stích: Čtó ti jésť móre, jáko pobihló jesí?* i tebí Jordáne, jáko vozvratílsja jesí vspjáť?
 Dnés nebesé i zemlí Tvoréc,* prichódit plótiju na Jordán,* kreščénija prosjá Bezhríšnyj,* da očístit mír ot lésti vrážija,* i kreščájetsja ot rabá Vladýka vsjáčeskich,* i očiščénije vodóju ródu čelovíčeskomu dárujet,* Tomú vozopijím:* javléjsja, Bóže, sláva Tebí.
Sláva  i nýňi: hl.6
Jéže ot Ďívy Sólnce,* víďa íže ot neplódove Svitílnik svítlyj,* vo Jordáňi prosjášča kreščénija,* úžasom i rádostiju vopijáše k nemú:* Tý mjá osvjatí, Vladýko,* božéstvennym javlénijem Tvojím.

Ľude vstavajuť.
Ľ.: Nýňi otpuščáješi rabá tvojehó, Vladýko, po hlahólu tvojemú so mírom.* Jáko víďista oči mojí spasénije tvojé, jéže jesí uhotóval pred licém vsich ľudéj.* Svít vo otkrovénije jazýkov i slávu ľudéj tvojích Izráiľa.
Trisvjatoje po Otče naš
Tropár, hl.1: Vo Jordáňi kreščájuščusja Tebí Hóspodi, trójčeskoje javísja poklonénije, Rodítelev bo hlás sviďítelstvovaše Tebí, vozľúblennaho Ťa Sýna imenúja, i Dúch vo víďi holubíňi izvístvovaše slovesé utverždénije: javléjsja, Christé Bóže, i mír prosviščéj, sláva Tebí.

Blahoslovénije chľibiv:
Svj.: Hóspodu pomolímsja.
Ľ.:    Hóspodi pomíluj.
Svjaščenyk čitať molitvu posvjačiňa litijnych dariv:
Hóspodi Isúse Christé Bóže náš, blahoslovívyj pjať chľíbov, i pjať týsjač naróda nasýtivyj: sám i nýňi, Vladýko, blahosloví chľíby sijá, † pšenícu, vinó, i jeléj, i umnóži já vo hráďi sém, (vési, abo obíteli sej) i vo vsém míri tvojém vsehdá, i ot ních vkušájuščych vírnych tvojích osvjatí. Jáko ty jesí blahoslovjájaj i osvjaščájaj Christé Bóže naš, i tebí slávu vozsylájem, so beznačálnym ti Otcém, i vsesvjatým, i blahím, i životvorjáščym ti Dúchom, nýňi i prísno, i vo víki vikóv.
Ľ.: Amíň.
Ľ.: Búdi imja Hospodne  blahoslovénno ot nýňi i do víka. 3x

Psalóm 33.
Blahoslovľú Hóspoda na vsjákoje vremjá,* výnu chvála jehó vo usťích mojích. 
O Hóspoďi da pochválitsja dušá mojá,* da uslýšat krótciji i vozveseľátsja.
Vozvelíčite Hóspoda so mnoju,* i voznesém ímja jehó vkúpi.
Vzyskách Hóspoda i uslýša mja,* i ot vsich skorbéj mojích izbávi mja.
Pristupíte k nemú i prosvititésja,* i licá váša ne postyďátsja.
Sej níščij vozzvá i Hóspoď uslýša í,* i ot vsich skorbéj jehó spasé í.
Opolčítsja Ánhel Hóspodeň ókrest bojáščichsja jehó,* i izbávit ich.
Vkusíte i vídite, jáko blah Hóspoď,* blažén múž iže upovájet naň.
Bójtesja Hóspoda vsi svjatíji jehó,* jáko ňísť lišénija bojáščymsja jehó.
Bohátiji obniščáša i vzalkáša,* vzyskájuščiji  že Hóspoda ne lišátsja vsjákaho blahá.
Sláva  i nýňi: Hóspodi  pomíluj, Hóspodi pomíluj, Hóspodi pomíluj,* blahoslóvi.
Svj.: Blahoslovénije Hóspodne na vas, tohó blahodátiju i čelovikoľúbijem, vsehdá, nýňi i prísno, i vo víki vikóv.
Ľ.: Amíň.

Odpust velikyj:
Svj.: Premúdrosť!
Ľ.: Blahosloví.
Svj.: Sýj blahoslovén i preprosláven Christós Bóh náš vsehdá, nýňi i prísno, i vo víki vikóv.
Ľ.: Amíň. Utverdí, Bóže, víru grekokatoličéskuju vo víki vikóv.
Svj.: Presvjatája Bohoródice spasí nás.
Ľ.: Čestňíjšuju Cheruvím i slavňíjšuju bez sravnénija Serafím. Bez istľínija Bóha Slóva róždšuju, súščuju Bohoródicu ťa veličájem.
Svj.: Sláva Tebí, Christé Bóže, upovánije náše, sláva Tebí.
Ľ.: Sláva Otcú i Sýnu i Svjatómu Dúchu, i nýňi, i prísno i vo víki vikóv. Amíň. Hóspodi pomíluj , Hóspodi pomiluj, Hóspodi pomiluj. Blahosloví.
Svj.: Vo Jordáňi spasénija nášeho rádi krestítisja izvólivyj, Christós ístinnyj Bóh náš, molítvami prečístyja svojejá Mátere, i vsích Svjatých, pomílujet i spasét nas, jáko blah i čelovikoľúbec.
Ľ.: Amíň.