Rád svätého Bazila Veľkého

Psalóm 142.
Hóspodi uslýši molítvu mojú, vnuší molénije mojé vo ístiňi tvojéj,* uslýši mjá v právďi tvojéj.
I ne vnídi v súd s rabóm tvojím,* jáko ne opravdítsja préd tobóju vsják živýj.
Jáko pohná vráh dúšu mojú,* smiríl jésť v zémľu živót mój
Posadíl mjá jésť v témnych, jáko mértvyja víka,* i uný vo mňí dúch mój: vo mňí smjatésja sérdce mojé.
Pomjanúch dní drévnija: poučíchsja vo vsích ďíľich tvojích,* v tvorénijich rukú tvojéju poučáchsja.
Vozďích k tebí rúci mojí,* dušá mojá jáko zémľa bezvódnaja tebí.
Skóro uslýši mjá, Hóspodi,* isčezé dúch mój.
Ne otvratí licá tvojehó ot mené,* i upodóbľusja nizchoďáščym v róv.
Slýšanu sotvorí mňí zaútra mílosť tvojú,* jáko na ťá upovách.
Skaží mňí, Hóspodi, púť, v óň že pojdú,* jáko k tebí vzjách dúšu mojú.
Izmí mjá ot vráh mojích, Hóspodi, k tebí pribihóch,* naučí mjá tvoríti vóľu tvojú, jáko tý jesí Bóh mój.
Dúch tvój blahíj nastávit mjá na zémľu právu,* ímene tvojehó rádi, Hóspodi, živíši mjá právdoju tvojéju.
Izvedéši ot pečáli dúšu mojú,* i mílostiju tvojéju potrebíši vrahí mojá.
I pohubíši vsjá stužájuščyja duší mojéj,* jáko áz ráb tvój jésm.
Uslýši mjá, Hóspodi, v právďi tvojéj,* i ne vnídi v súd s rabóm tvojím.
Uslýši mjá, Hóspodi, v právďi tvojéj,* i ne vnídi v súd s rabóm tvojím.
Dúch tvój blahíj,* nastávit mjá na zémľu právu.
Sláva Otcú i Sýnu, i svjatómu Dúchu, i nýňi i prísno, i vo víki vikóv. Amíň.
Alilúja, alilúja, alilúja,* sláva tebí Bóže. 3x

Mirna jekténija
Svj.: Mírom Hóspodu pomolímsja.
Ľ.: Hóspodi pomíluj  (opakuje sja za každov prosbov)
O svýšňim míri i spaséniji dúš nášich, Hóspodu pomolímsja.
O míri vsehó míra, blahostojániji svjatých Bóžijich cerkvéj i sojedinéniji vsích, Hóspodu pomolímsja
O svjaťím chrámi sém, i íže so víroju, blahohovínijem, i stráchom Bóžijim vchoďáščich v óň, Hóspodu pomolímsja
O svjaťíjšem vselénsťim Archijeréji (ímja rek) Pápi Rímsťim, i o bohoľubívim Jepískopi nášem (ímja rék), čéstňim Presvýterstvi, jéže vo Chrisťí Dijákonstvi, o vsém príčťi i ľúdech, Hóspodu pomolímsja.
O prederžáščich vlástech nášich i o vsém vójinstvi, Hóspodu pomolímsja.
O blahorastvoréniji vozdúchov, i o umnožéniji plodóv zemných i vrémeňich mírnych, Hóspodu pomolímsja.
O plávajuščich, putešéstvujuščich, nedúhujuščich, truždájuščichsja, pľinénnych i o spaséniji ích, Hóspodu pomolímsja.
O jéže izbávitisja nám ot vsjakíja skórbi, hňíva i núždy, Hóspodu pomolímsja.
Zastupí, spasí, pomíluj, i sochraní nás, Bóže tvojéju blahodátiju.
Presvjatúju, Prečístuju, Preblahoslovénnuju, slávnuju Vladýčicu nášu Bohoródicu i prisnoďívu Maríju so vsími svjatými pomjanúvše, sámi sebé, i drúh drúha, i vés živót náš Christú Bóhu predadím.
Ľ.: Tebí Hóspodi.
Svj.: Jáko podobájet tebí vsjákaja sláva, čésť i poklonénije, Otcú, i Sýnu, i svjatómu Dúchu, nýňi i prísno i vo víki vikóv.
Ľ.: Amíň.

Spivať sja na hlas troparja Svjatoho dňa.
Ľ.: Bóh Hóspoď i javísja nám, blahoslovén hrjadýj vo ímja Hóspodne. (opakuje sja za každym stiškom)
stích: Ispovídajtesja Hóspodevi, jáko bláh, jáko vo víki mílosť jehó.
stích: Obyšédše obydóša mjá i ímenem Hospódnim protivľáchsja ím.
stích: Ne umrú, no žív búdu i povím ďilá Hóspodňa.
stích: Kámeň, jehóže nebrehóša ziždúščiji, séj býsť vo hlavú úhla: ot Hóspoda býsť séj i jésť díven v očesích nášich.
Tropár, hl.1: Vo Jordáňi kreščájuščusja Tebí Hóspodi, trójčeskoje javísja poklonénije, Rodítelev bo hlás sviďítelstvovaše Tebí, vozľúblennaho Ťa Sýna imenúja, i Dúch vo víďi holubíňi izvístvovaše slovesé utverždénije: javléjsja, Christé Bóže, i mír prosviščéj, sláva Tebí.
Jektenija

mala jektenija

1.Sidálen. Hl. 3. (Podoben: Krasoťí):   Jávľšusja Tebí vo Jordáňi, Spase, * i kréščšusja Tebí ot Predtéči, Christé, * vozľúblennyj Syn sviďíteľstvovan   byl jesí: * ťímže í sobeznačálen Otcú javílsja jesí, * Duch   že svjatýj na Ťa schoždáše: * imže i prosvitívšesja vopijém: * sláva Bóhu súščemu v Trojci.
Sláva: I nýňi: Hl. 4. (Podoben: Skoro predvari): Struji Osvjatíl jesí Jordánskija, * deržávu sokrušíl jesí hrichóvnuju, Christé Bóže naš, * prekloníl jesí dláni Sebé Predtéčevi, * i spasl jesí ot lésti čelovíčeskij rod. * Ťímže Ťa molim: spasi dúšy nášja.

Veličánije: Veličájem Ťa životdávče Christé, nás ďíľa plótiju krestívšahosja ot Joanna v vodách Jordánskich.
Stichí: Bóže uščedri ny i blahoslovi ny: prosviti licé Tvojé na ny i pomiluj ny
I vozhremí s nebesé Hóspoď, i Výšnij dadé hlas Svoj.
Vozdvihóša ríki Hóspodi, vozdvihóša ríki hlásy svojá.
Sehó rádi pomjanúch Ťa ot zemlí Jordánski i Jermoniímski.
Móre viďí i pobižé, Jordán vozvratísja vspjáť.
Víďiša Ťa vodý Bóže, víďiša Ťa vodý, i ubojášasja.
V móri putijé Tvoí, í stezí Tvoí v vodách mnóhich.
Jáko vozvelíčišasja ďilá Tvojá Hóspodi, i vsjá premudrostiju sotvorí! jesí.
Sláva: I nýňi: Alliluja. 3.
Pripiv bolharskij: Kreščájetsja Isús moj ot rabá, vo Jor-dánsťij ricí: prosviščájaj vsjú tvár'.

Mala jektenija
Sidálen. Hl. 4. (Podoben: Udivisja Josif): Priidíte, uvidim vírniji, * hďi krestísja Christós: * da posľídujem próčeje ko Jordánu ricí, * ko hlásu vopíjúščaho v pustýni, * í uvídim támo Soďíteľa Adámova, * dlániju rábskoju rukopolahájema za blahoutróbije neizrečénnoje, * í k Nemu velehlásno vozopijím: * prišél jesí i javílsja jesí vo Jordáňi osvjatíti vodý.
Sláva; I nýňi: Tojže.

Stepenny Antifony:
Hlas 4. Ot júnosti mojejá mnózi bórjut mja strásti: no sam mja zastupí, i spasi mja, Spase moj.
Nenavíďaščii Sióna postydítesja ot Hóspoda, jáko travá bo ohném búdete izsóchše.
Sláva: Svjatým Dúchom vsjáka dušá žívitsja i čístotóju vozvyšájetsja, svitľíjetsja vo trójčeskom jedínstvi, svjaščennotájňi.
I nýňi:   Svjatým  Dúchom tóčatsja   blahodátnyja strui, napajájušče vsjaku tvár' k ožívléniju.

Svj.: Vonmim, mir vsim,   premudrosť   vonmim. 
Prokimen, hl. 4. Móre viďí í pobižé, Jordán vozvratísja vspjáť.
Stich: Čto ti jésť móre jáko pobihló jesí? I tebí Jordáne, jáko vozvratílsja jesí vspjáť?

Sláva, hl. 2. Vsjačeskaja dnes da vozrádujutsja: * Christú jávľšusja vo Jordáňi.
I nýňi: Tojže,
Stichira, hl. 6. Boh Slóvo javisja plótiju ródu čelovíčeskomu: * stojáše krestítisja vo Jordáňi, * i hlahólaše k Nemu Predtéča: * káko prostrú rukú, i prikosnúsja verchú Deržáščaho vsjačeskaja? * ášče i ot Maríji jesí mladenec, * no vim Ťa Bóha prevíčnaho: * po zemlí chódiši, pivájemyj ot Serafím: * í rab Vladýku kreščáti ne naučíchsja. * Nepostižíme Hóspodi, sláva Tebí.

Svj.: Spasí, Bóže, ľúdi tvojá, i blahosloví dostojánije tvojé, posití mír tvoj mílostiju i ščedrótami, vozvýsi róh christijánskij, i nizposlí na ný mílosti tvojá bohátyja, molítvami prečístyja Vladýčicy nášeja Bohoródicy i prisnoďívy Maríji; síloju čestnáho i životvorjáščaho Krestá, zastuplénmi nebésnych Síl bezplótnych, čestnáho i slávnaho proróka, predtéči i krestíteľa Joánna, svjatých slávnych i vsechváľnych Apóstol, i íže vo svjatých Otéc nášich i vseléňskich velíkich učítelej i svjatítelej: Vasílija Velíkaho, Hrihórija Bohoslóva i Joánna Zlatoústaho, Atanásija i Kyrílla, i íže vo svjatých otcá nášeho Nikolája Mýr Lykíjskich čudotvórca, svjatých slavjáňskich Apóstol Kyrílla i Metódija, i svjatáho svjaščenomúčenika Josafáta, svjatých, slávnych i dobropobídnych Múčenik, prepodóbnych i bohonósnych otéc nášich, svjatých i právednych  Bohootéc Joakíma i Ánny i prepodobných i bohonósnych otéc nášich Antónija i Teodósija Pečérskich, i  svjatáho (jehóže jésť deň ilí chrám), i vsích Svjatých tvojích: mólim Ťa mnohomílostive Hóspodi, uslýši nás hríšnych moľáščichtisja, i pomíluj nás.
Ľ. Hóspodi pomíluj 12x
Svj: Milostiju i ščedrótami i čelovikoľúbiijem jedinoródnaho Sýna tvojehó s nímže blaholslovén jesí so presvjatým i blahím i životvorjáščym tvojím Dúchom nýňi i prísno i vo víki vikóv.
Ľ.: Amíň.

Irmosy Kanonov, hl.2. 
1. Hlubiný otkrýl jesť dno, * i súšeju svojá vlečét, * v nej pokryv protívnyja, * kripkij v branéch Hóspoď, * jáko proslávisja.
3.Kríposť dajaj carém nášym Hóspoď, *   i  roh   pomázannych Svojích voznosjáj, * ot Ďívy raždájetsja, *   hrjadét  že ko kreščéniju. * Tomú vírnii vozopiím: * ňísť svjat, jáko Boh naš.

Mala jektenija

Ipakoj, hl. 5. Jehdá javlénijem Tvoím prosvitíl jesí vsja¬českaja, * tohdá slánoje nevírija móre pobižé, * i Jordán dóľi tekíj vozvratísja, k nebesí vozvyšája nas: * no vysotóju božéstvennych zápovidej Tvoich sobľúdi Christé Bóže, * molítvami Bohoródicy i pomiluj nas.
4.Uslýšach Hóspodi hlas Tvoj, jehóže rekl jesí, * hlas vopijúščaho v pustýni, * jáko vozhremíl jesí nad  vodámi mnóhimi, * Tvojemú sviďítelstvujaj Sýnu: * ves  že byv sošédšaho Dúcha, vozopí: * Ty jesí Christós, *  Bóžija múdrosť i síla.
5.Isús   života   náčálnik, *   razrišíti   osuždénije  hrjadét Adáma pervozdánnaho, * očiščéníj že jáko   Boh ne  trébuja, * pádšaho očiščájet vo Jordáňi: * v némže vraždú  ubív, * preimúšč vsják um mir dárujet.
6.Hlas Slovesé, svitílnik Svíta, * denníca Sólnca, Predtéča, * v pustýni: pokájtesja, * vsím vopijét ľúdem, * i predočístitesja: * se bo predstoít Christós, * ot tlí mir izbavľájaj.

Mala jektenija

Kondak, hl. 4. Javílsja jesí dnés vselénňij, i svít Tvój, Hóspodi, známenasja na nás, vo rázumi pojúščich Ťa: prišél jesí i javílsja jesí svit nepristúpnyj.
Ikos. Galileji jazyčesťij, Zavulonsťij straňí i Nefthalimsťij zemlí, jákože rečé Prorok, svit velik vozsijá Christós omračennym, svitla javisja zarja, iz Viflejema oblistajuščaja, páče že iz Maríi Hospoď vsej vselénňij vozsijavajet luči, Sólnce pravdy. Ťimže iže ot Adáma nazii, prijdite vsi oblečemsja v Neho, da sohrijemsja: pokryvajet bo nahija, i prosviščajet temnyja: prišél jesi, i javílsja jesi svit nepristúpnyj.
7. Júnoši blahočestívyja péšči* ohnenňij priobščívšyjasja, * šumjášč duch rósnyj nevredímy sochrani, * i Bóžija Ánhela snischoždénije. * Ťímže vo plámeni orošájemi blahodárstvenno vospiváchu: * prepítyj otcév Hóspodi i Bóže, * blahoslovén jesí,
8. Tájnu preslávnuju Vavilónskaja pokazá pešč* istočívšaja rósu: * jáko strujámi imjáše neveščéstvennyj ohň vosprijáti Jordán, * i objáti plótiju kreščájema Ziždíteľa: * Jehóže blahoslovját ľúdije, * i prevoznósjat vo vsja víki.

Svj. Bohoródicu i Máter svíta vo písnech vozveličím.

Pripiv: Veličáj duše mojá vo Jordáňi krestívšahosja Hóspoda.
9. Nedoumíjet vsjak jazýk blahochvalíti po dostojániju, * izumivájet že um i premírnyj, píti ťa Bohoródice: * obáče blahája súšči, * víru prijmi, íbo ľubóv vísi božéstvennuju nášu. * - Ty bo christián jesí predstátelnica: * ťa veličájem.
Druhij Pripiv: Veličáj duše mojá čestňíjšuju nebésnych vóinstv Ďívu, prečístuju Bohoródicu.

Mala jektenija

Svitilen. (Podoben: Positil ny): Javisja Spás, blahodáť Í ístina, vo strujách Jordánskich, i súščyja vo tmí i síni spjáščyja prosvitíl jésť: íbo priíde i javisja svit nepristúpnyj. 3.

Vsjakoje dychanije da chvalit Hospoda , chvalite Hospoda s nebes, chvalite jeho vo vyšnich. Tebi podobaje pisň Bože.
Chvalíte jehó vsí Ánheli jehó,* chvalíte jehó vsjá síly jehó. Tebi podobaje pisň Bože.
Chvalíte jehó sólnce i luná, chvalíte jehó vsjá zvízdy i svít.
Chvalíte jehó nebesá nebés, i vodá jáže prevýše nebés, da voschváľat ímja Hóspodne.
Jáko tój rečé i býša, tój poveľí i sozdášasja.
Postávi já vo vík i vo vík víka, poveľínije položí i ne mímo idét
Chvalíte Hóspoda ot zemlí zmijéve i vsjá bézdny.
Óhň, hrád, sňíh, hóloť, dúch búren, tvorjáščaja slóvo jehó.
Hóry i vsí chólmi, dréva plodonósna i vsí kédry.
Zvírije i vsí skóti, hádi i ptícy pernáty.
Cáriji zémstiji i vsí ľúdije, kňázi i vsí sudijí zémstiji.
Júnoši i ďívy, stárcy s júnotami, da voschváľat ímja Hóspodne, jáko voznesésja ímja tohó jedínaho.
Ispovídanije jehó na zemlí i na nebesí, i voznesét róh ľudéj svojích.
Písň vsím prepodóbnym jehó, synovóm Izrailevym, ľúdem približjuščymsja jemu.

Psalóm 149
Vospójte Hospodévi písň nóvu, chvalénije jehó v cérkvi prepodóbnych.
Da vozveselítsja Izráiľ o sotvoršém jehó, i sýnove Sijóni vozrádujutsja o carí svojém.
Da voschváľat ímja jehó v líci, v tympáňi i psaltíri da pojút jemú.
Jáko blahovolít Hóspoď v ľúdech svojích, i voznesét krótkija vo spasénije.
Voschváľatsja prepodóbniji vo slávi, i vozrádujutsja na ložách svojích.
Voznošénija Bóžija v hortáni ích, i meči obojúdu ostrý v rukách ích.
Sotvoríti otmščénije v jazýcich, obličénija v ľúdech.
Svjazáti carí ích púty, i slávnyja ích ručnými okóvy žeľíznymi.

Psalóm 150
Sotvoríti v ních súd napísan, sláva sijá búdet vsím prepodóbnym jehó.
Chvalíte Bóha vo svjatých jehó, chvalíte jehó v utverždéniji síly jehó.
stich: Chvalíte jehó na sílach jehó,* chvalíte jehó po mnóžestvu velíčestvija jehó.
hl.1. Svit ot Svíta vozsijá mírovi Christós Spás naš, * javléjsja Boh. * Semú ľúdije poklonimsja.
stich: Chvalíte jehó v hlási trúbňim,* chvalíte jehó v psaltíri i húsľich.
Káko Ťa, Christé, * rabí Vladýku dostójno počtím? * jáko v vodách vsich nás obnovíl jesí.
stich: Chvalíte jehó v tympáňi i líci,* chvalíte jehó v strúnach i orháňi.
Ty vo Jordáňi kréščsja, Spase naš, * vodý osvjatíl jesí, * dlániju rabá rukopolahájemyj, * i strásti mira izciľájaj. * Vélije táinstvo javlénija Tvojehó, * Čelovikolúbče Hóspodi, sláva Tebí.
stich: Chvalíte jehó v kymváľich dobrohlásnych, chvalíte jehó v kymváľich vosklicánija,* vsjákoje dychánije da chvalít Hóspoda.
Istinnyj Svit javisja, * i vsim prosviščenije dárujet: * kreščájetsja Christós s námi, * íže vsjákija výšše čístotý: * vlahájet svjaščénije voďí, * i dušám sijé očiščenije byvájet: * zemnóje javľájemoje, i výše nebes razumivájemoje: * báneju spasénije, vodóju že Duch: * pohružénija rádi íže k Bóhu naš voschód byvájet. * Čudésna ďilá Tvojá Hóspodi, sláva Tebí.
Sláva: Hl. 6. Vodámi Jordánskimi oďíjalsja jesí Spase, * oďijájsja svítom jáko rízoju, * i prikloníl jesí hlavú Predtéči, * íže nébo izmírivyj pjádiju: * da obratíši mír ot lésti, * i spaséši jáko čelovikoľúbec.
I nýňi: Hl. 2. Dnes Christós priíde na Jordán krestítisja: * dnes Joánn kasájetsja verchú Vladýčňu: * síly nebényja užasóšasja, * preslávnoje víďašče táinstvo: * móre viďí, i pobižé, * Jordán viďív, vozvratísja: * my že prosvíščšesja vopijém: * sláva javívšemusja Bóhu, * i na zemlí víďínnomu, i prosvitívšemu mir.

Velike Slavoslovije
Svj:Sláva tebí pokazávšemu nam svit.
Sláva v výšnich Bóhu, i na zemlí mir*, v čelovícich blahovolénije.
Chválim ťa, blahoslovím ťa*, kláňajemtisja slavoslóvim ťa
Blahodarim ťa, velikija rádi slávy tvojejá* Hóspodi Carjú nebésnyj*.
Bóže Otče vsederžiteľu, Hóspodi Sýne jedinorodnyj*,
Isúse Christé, i svjatýj Dúše, Hóspodi Bóže*.
Áhnče Bóžij, * Sýne Otč.
Vzémľaj hrich míra, * pomiluj nas.
Vzémľaj hrihí míra, * prijmi molitvy náša.
Siďaj odesnúju Otca, * pomiluj nas.
Jáko ty jedín svjat, ty jedín Hóspoď Isús Christós, * v slávu Bóha Otcá, amiň.
Na vsják deň blahoslovím ťa, * i voschválim ímja tvojé vo viki i vo vík vika.
Spodóbi, Hóspodi, v deň sej *bez hrichá sochranítisja nam.
Blahoslovén jesí, Hóspodi Bóže Otec nášich, *
i chváľno i proslávlenno ímja tvojé vo víki, amiň.
Búdi, Hóspodi, mílosť tvojá na nas, * jákože upováchom na ťa.
Blahoslovén jesí. Hóspodi, * naučí nas opravdánijem tvoím.
Blahoslovén jesí, Vladýko, * vrazumí nas opravdánijem tvoím.
Blahoslovén jesí, Svjatýj, * prosviti nas opravdánii tvoímí.
Hóspodi, príbížišče byl jesí nam*, v rod í rod.
Az rich, Hóspodi, pomiluj mja: * i iscilí dúšu moju, jáko sohriších tebí.
Hóspodi, k tebí pribihóch*, naučí mja tvoríti vóľu tvoju, jáko ty jesí Boh moj
Jáko u tebé jésť istóčnik života, * v svíťi tvojém uzrim svit.
Probávi mílosť tvoju* víduščym ťa.

Jektenija suhuba
Svj.: Pomíluj nás Bóže po velícij mílosti tvojéj, mólimtisja uslýši i pomíluj.
Ľ.: Hóspodi pomíluj 3x.
Svj.: Jéšče mólimsja o svjaťíjšem vselénsťim Archijeréji (ímja rék), i o bohoľubívim Jepískopi nášem Kýr (ímja rék), o vsečestňíjšem otcí nášem Protoarchimandríťi (ímja rék), i Protoihúmeňi (ímja rék), Ihúmeňi (ímja rék), i o otcích nášich duchóvnych, i o vséj jéže vo Chrisťí brátiji nášej.
Ľ.: Hóspodi pomíluj 3x
Ješčé mólimsja o predstojáščich ľúdech, i ožidájuščich ot tebé velíkija i bohátyja mílosti, za tvorjáščich nám mílostyňu, i za vsjá pravovírnyja christijány.
Jáko mílostiv i čelovikoľúbec Bóh jesí, i tebí slávu vozsylájem Otcú i Sýnu i svjatómu Dúchu, nýňi i prísno i vo víki vikóv.
Ľ.: Amíň.

Jekténija prositelnaja
Svj.: Ispólnim útrenňaja molítvy náša Hóspodevi.
Ľ.: Hóspodi pomíluj.
Zastupí, spasí, pomíluj i sochraní nás, Bóže, tvojéju blahodátiju.
Ľ.: Hóspodi pomíluj.
Útra vsehó soveršénna, svjáta, mírna i bezhríšna, u Hóspoda prosím.
Ľ.: Podáj Hóspodi.
Ánhela míra, vírna nastávnika, chraníteľa dušám i ťílom nášym, u Hóspoda prosím.
Proščénija i ostavlénija hrichóv i prehrišénij nášich, u Hóspoda prosím.
Dóbrych i poléznych dušám nášym, i míra mírovi, u Hóspoda prosím.
Próčeje vrémja životá nášeho v míri i pokajániji skončáti, u Hóspoda prosím.
Christijánskija končíny životá nášeho, bezboľíznenny, nepostýdny, mírny, i dóbraho otvíta na strášňim sudíšči Christóvi, prosím.
Svj.: Presvjatúju, Prečístuju, Preblahoslovénnuju, slávnuju Vladýčicu nášu Bohoródicu i prisnoďívu Maríju, so vsími svjatými pomjanúvše, samí sebé, i drúh drúha, i vés živót náš Christú Bóhu predadím.
Ľ.: Tebí Hóspodi.
Svj.: Jáko Bóh mílosti i ščedrót i čelovikoľúbija jesí, i tebí slávu vozsylájem, Otcú i Sýnu i svjatómu Dúchu, i nýňi i prísno, i vo víki vikóv.
Ľ.: Amíň.
Svj.: Mír vsím
Ľ.: I dúchovi tvojemú.
Svj.: Hlavý váša Hóspodevi prikloníte.
Ľ.: Tebí Hóspodi.
Svj.: (potichy): Hóspodi svjatýj, v výšnich živýj, i na smirénnyja prizirájaj, i vsevíďaščim ókom tvojím prizirájaj na vsjú tvár: tebí prikloníchom výju duší i ťilesé, i tebí mólimsja: svjáte svjatých, prostrí rúku tvojú nevídimuju, ot svjatáho žilíšča tvojehó, i blahosloví vsích nás: i ášče čtó sohrišíchom voléju ilí nevóleju, jáko bláh i čelovikoľúbec Bóh prostí, dáruja nám mírnaja i premírnaja blahája tvojá.
Svj.: Íbo tvojé jésť jéže mílovati, i spasáti ný, Bóže náš, i tebí slávu vozsylájem, Otcú i Sýnu i svjatómu Dúchu, i nýňi i prísno, i vo víki vikóv.
Ľ.: Amíň.

Odpust velikyj:
Svj.: Premúdrosť!
Ľ.: Blahosloví.
Svj.: Sýj blahoslovén i preprosláven Christós Bóh náš vsehdá, nýňi i prísno, i vo víki vikóv.
Ľ.: Amíň. Utverdí, Bóže, víru grekokatoličéskuju vo víki vikóv.
Svj.: Presvjatája Bohoródice spasí nás.
Ľ.: Čestňíjšuju Cheruvím i slavňíjšuju bez sravnénija Serafím. Bez istľínija Bóha Slóva róždšuju, súščuju Bohoródicu ťa veličájem.
Svj.: Sláva Tebí, Christé Bóže, upovánije náše, sláva Tebí.
Ľ.: Sláva Otcú i Sýnu i Svjatómu Dúchu, i nýňi, i prísno i vo víki vikóv. Amíň. Hóspodi pomíluj , Hóspodi pomiluj, Hóspodi pomiluj. Blahosloví.
Svj.: Vo Jordáňi spasénija nášeho rádi krestítisja izvólivyj, Christós ístinnyj Bóh náš, molítvami prečístyja svojejá Mátere, i vsích Svjatých, pomílujet i spasét nas, jáko blah i čelovikoľúbec.
Ľ.Amíň.

Veličájem Ťa životdávče Christé, nás ďíľa plótiju krestívšahosja ot Joanna v vodách Jordánskich.

[download v AMR]

[AMR prehravač]