Rád svätého Bazila Veľkého

3 Čitaňa z proroka Isaiji
Prokímen: hl.3. Hóspoď prosviščénije mojé i Spasíteľ mój, kohó ubojúsja?
stích. Hóspoď zaščítiteľ životá mojehó ot kohó ustrašúsja?

Alilúja, hl. 4
stích: Hlás Hóspodeň na vodách: Bóh slávy vozhremí, Hóspoď na vodách mnóhych.
Jevanhelije Mk zač 2.

Jekténija velíkaja.
Mírom Hóspodu pomolímsja
O svýšňim míri i spaséniji dúš nášich, Hóspodu pomolímsja
O míri vsého míra, blahostojániji svjatých Bóžijich cerkvéj i sojedinéniji vsích, Hóspodu pomolímsja
O svjaťím chrámi sém, i íže s víroju, blahohovínijem i stráchom Bóžijim vchoďáščich v óň, Hóspodu pomolímsja.
O svjaťíjšem vselénsťim Archijeréji (imjarék) Pápi Rímsťim, i bohoľubívim Jepískopi nášem Kýr (imjarék), čestňím Presvíterstvi, jéže vo Chrisťí Dijákonstvi, o vsém príčťi i ľúdech, Hóspodu pomolímsja.
O hráďi sém (vési abo obíteľi séj) i o vsjácim hráďi, vési i straňí, i íže víroju živúščich v nich, Hóspodu pomolímsja.
O blahorastvoréniji vozdúchov, i umnožéniji plodóv zemných, i vremeňích mírnych, Hóspodu pomolímsja.
O plávajuščich, putešéstvujuščich nedúhujuščich, truždájuščichsja, pľinénnych i o spaséniji ich, Hóspodu pomolímsja.
O jéže osvjatítisja voďí séj, síloju i ďijstvijem naítijem svjatáho Dúcha, Hóspodu pomolímsja.
O jéže prijtí na vódu sijú očístitelnomu presúščestvennyja Trójcy ďijstvu, Hóspodu pomolímsja.
O jéže býti jej očiščénije dušám i ťílom, vsím trébujuščym i prijémľuščym ju víroju, i pričaščájuščymsja ot nejá, Hóspodu pomolímsja.
O darovátisja jej blahodáti izbavlénija, blahoslovéniju Jordánovu, síloju i ďijstvom naítijem svjatáho Dúcha, Hóspodu pomolímsja.
O sokrušítisja sataňí pod nohámi nášimi vskóri, i razoritísja vsjákomu sovítu lukávomu dvižímomu na ný, Hóspodu pomolímsja.
O prosvitítisja nám prosviščénijem rázuma i blahočéstija, naítijem svjatáho Dúcha, Hóspodu pomolímsja.
O jéže býti jej osvjaščénija dáru, očiščéniju sohrišénij, vo iscilénije duší i ťíla, i na vsjáku pólzu izrjádnuju, Hóspodu pomolímsja.
O javitísja jej svjaščéniju i spaséniju dušám nášym, Hóspodu pomolímsja.
O býti jej na othnánije i očiščénije vsjákaho ďíjstva i navíta vídimych i nevídimych vrah, Hóspodu pomolímsja.
O javitísja jej vráčestvu, i očiščéniju vsjákaho nedúha dúš i ťilés našych, Hóspodu pomolímsja.
O pohruzítisja síľi dušetľínnaho supostáta v vóďi séj, Hóspodu pomolímsja.
O prosvitítisja nám, prijémľuščym svjaščénije vodý sejá blahodátiju Christóvoju, Hóspodu pomolímsja.
O býti jej vsím pomazájuščymsja ot nejá víroju, ili vkušájuščym, očiščéniju skvérny plóti i dúcha, Hóspodu pomolímsja.
O prišéstviji na ňu očiščénija, prejestestvénnyja Trójcy blahodátiju, Hóspodu pomolímsja.
O čerpľúščych i pijúščych ot nejá vo osvjaščénije dúš i ťilés, Hóspodu pomolímsja.
O býti jej istóčniku netľínija, i osvjaščéniju domóv, Hóspodu pomolímsja.
O blahoslovítisja jej jáko Jordánskym strujám, Hóspodu pomolímsja.
O spodóbitisja nám ispólnitisja osvjaščénija, pričaščénija rádi vodý sejá, nevídimym jevlénijem svjatáho Dúcha, Hóspodu pomolímsja.
O spodóbitisja nám cárstvija nebésnaho, pričaščénijem vodý sejá, Hóspodu pomolímsja.
O uslýšati Hóspodu Bóhu hlás molénija nášeho, i pomílovati nás, Hóspodu pomolímsja.
O izbávitisja nám ot vsjákija skórby, hňíva i núždy, Hóspodu pomolímsja.
Zastupí, spasí, pomíluj i sochraní nás, Bóže, tvojéju blahodátiju.
Presvjatúju, prečístuju, preblahoslovénnuju, slávnuju Vladýčicu nášu Bohoródicu i prisnoďívu Maríju so vsími svjatými pomjanúvše, samí sebé i drúh drúha, i vés živót náš Christú Bóhu predadím.
L. Tebí, Hóspodi.

Totu molitvu svjaščennyk čitať po tichy v časi jekteniji, kotru čitať dijakon. Kiď ne je dijakona, ne čitať sja.
Hóspodi Isúse Christé, jedinoródnyj Sýne, sýj v ňídri Ótči, ístinnyj Bóže, Istóčniče žízni i bezsmértija, Svíte ot Svíta, prišédyj v mír, jéže prosvítiti jehó: ozarí nášu mýsľ svjatým tvojím Dúchom, i prijmí nás, velíčestvo i blahodarénije tebí prinosjáščich, o jáže ot víka dívnych tvojích velikoďíjstvijich: i jéže v posľídnija víky spasítelňim tvojém smotréniji, v némže v náše nemoščnóje i níščeje oďíjavsja smišénije, i rabótnym míram snisšédyj, íže vsích Carjú: jéšče i rábskoju rukóju v Jordáňi krestitísja preterpíl jesí, da vodnóje jestestvó osvjatív, Bezhríšne, putesotvoríši  nam, jéže vodóju i dúchom páki roždénije, i k pérvomu nas ustrójiši svoboždéniju: jehóže božéstvennaho tájinstva vospominánije prázdnujušče, mólimsja tebí, Vladýko čelovikoľúbče, vokropí na ný nedostójnyja rabý tvojá, po božestvennómu tvojemú obiščániju, vódu čístu, tvojehó blahoutróbija dár, vo jéže nad vodóju séju prošéniju nas hríšnych, blahoprijátnu býti tvojéju blahóstiju, i blahoslovéniju tvojemú jéju, nám že i vsím vírnym ľúdem tvojím darovátisja, v slávu svjatáho poklaňájemaho tvojehó ímene:
Jáko podobájet tebí vsjakája sláva, čésť i poklonénije, so beznačálnym tvojím Otcém, i presvjatým i i blahím i životvorjáščim tvojím Dúchom, nýňi i prísno, i vo víky vikóv, Amíň.

Molítva sv. Sofrónija, patrijarcha Jerusalímskaho
Trójce presúščestvennaja, preblahája, prebožéstvennaja: vsesílnaja, vsja peisiščájuščaja, nevídimaja, nepostižímaja: soďítelnaja, umných suščéstv, i slovésnych jestéstv. Pejestéstvennaja, bláhosti, svíte nepristúpnyj, prosviščája vsjákaho čelovíka hrjadúščaho v mír;  prosijáj i vo mňí nedostójňim rabí tvojém: prosvití mi myslénnyja óči, jáku da derznú vospíti bezmírnoje blahoďijánije tvojé i sílu. i blahoprijátna da búdet moľbá jáže ot mené za predstojáščija ľúdi: i da nevozbraňájut prehrišénija mojá zďí príjti svjatómu tvojemú Dúchu. No prostí mňí neosuždénno vopíti tebí i hlahólati nýňi preblahája: slávim ťa Vladýko čelovikoľúbče vsederžíteľu prevíčnyj Carjú; slávim ťa Sozdáteľa i Soďíteľa vsích; slávim ťa iz Otcá béz Mátere, béz Mátere že iz Otcá. V predváršem úbo prázdnici mladénca ťa vídichom v nastojáščem že soveršénna tebé vídim: íže ot soveršénnaho, soveršénna javlšáhosja Bóha nášeho. Dnés bo prázdnika nastá nám vrémja vsím, a Ánhely s čelovíki sprázdnujut, i lik Svjatých sobirájetsja s námi. Dnés bo blahodáť presvjatáho Dúcha vo viďiníji holubíňi na vódy sleťí; dnés nezachodímoje Sólnce vozsíja, i mir svítom Hospódnim ozarjájetsja. Dnés luná svítlymi svojimi lučámi vsju zémľu osvjaščájet; dnés svitovídnyja zvízdy svítlostiju sijánija vselénnuju ukrašájut; dnés óblacy dožď právdy čelovíčestvu s nebesé orošájut; dnés Nesozdánnyj ot svojehó sozdánija choťínijem rukopolahájetsja. Dnés sostávy vódnyja pleščíma podemľút stopý Vladýčňa; dnés Nevídimyj vídim byvájet, da ny viďáščija samáho toho sotvorít. Dnés Prorók i Predtéča ľubóviju k Soďíteľu pristupájet, i trépetom predstojít víďa Bóžije k nám snischoždénije. Dnés Beznačálnyj svojemú rabú svojú výju prikloňájet, da zmíja súščaho vo vodách pohruzít. Dnés proróčeskaja ruká verchá Ohnepaľáščaho prikasájetsja, da báneju netľínija nás oblečét. Dnés Jordánskija vódy v ciľbú čelovíkom ustrojevájutsja javlénijem Bóha nášeho; dnés strujámi tájinstvennymi vsja tvár napajájetsja. Dnés čelovičéstiji hrisí vodámi Jordánskymi omyvájutsja; dnés ráj otvérzesja čelovíkom i sólnce právdy oblistájet nám. Dnés hórkaja vodá, jáže pri Mojséji, ľúdem v sládosť pretvorjájetsja Hospódnim prišéstvijem: dnés drévňaho rydánija izbávichomsja i jáko nóvyj Izráiľ spasény býchom. Dnés ot tmý svobodíchomsja, i svítom bohorazúmija ozarjájemsja; dnés vétchych rúk hrichóvnych sovlačímsja, i v nóvyja rízy oblačímsja. dnés slány vódy mórskija v sládosť preložíšasja javlénijem tvojím, Vladýko; dnés mrák míra potrebľájetsja javlénijem Christá Bóha nášeho; dnés svítlo ozarjájetsja vsjáko jestestvo svýše. dnés lésť uprazdnísja, i púť spasénija vsím nám soďílovajet Vladýčneje prišéstvije. Dnés vsjatája i pravoslávnaja víra Cérkvi vozsijá, duchóvnoje toržestvó prázdnujuščich, dnés hórňaja s dólnymi kúpno prázdnujut, i dólnaja s výšnymi sovokupľájutsja. Dnés svjaščénnoje i velehlásnoje toržestvó pravoslávnych rádujetsja. Dnés Vladýka ko kreščéniju spišítsja, da vozvedét na vysotú čelovíčestvo; dnés Nepriklonnyj svojemú rabú prikloňájetsja, da nás ot rabóty svobodít. Dnés cárstvo nebésnoje kupíchom, cárstviju bo Hopódňu ňísť koncá; dnés zemľá i móre míra sehó razďilíšasja, i mír vesélija ispólnisja. Víďiša ťa vódy, Bóže, víďiša ťa vódy i ubojášasja. Jordán vozvratísja vspáť: uzrívyj óhň Božestvá ťilésňi nischoďášč i vchoďášč v óň. jordán vozvratísja vspjáť, víďa Dúcha svjatáho vo víďiniji holubíňim nizchoďášča, i ókrest letájušča náň. Jordán vozvratísja vspjať, zrja Nevídimaho víďina bývša, Sozdáteľa voploščénna, Vladýku v rábiji zráci. Jordán vozvratísja vspjať, i hóry vzyhrášasja Bóha v plóti víďašče: sámuju že prestuplénija smérť, i prélesti žálo, i ádovy soúzy v Jordáňi pohruzívšaho: kreščénije že spasénija míru darovávšaho. Ťímže i áz hríšnyj i nedostójnyj ráb tvój, velíčija čudés tvojích povistvúja, soderžím sýj stráchom, vo umiléniji vopijú ti.

Vélij jesí, Hóspodi, i čudná súť ďilá tvojá, i ni jedíno že slóvo dovóľno jesť k pochvaléniju čudés tvojích. 3x
Vypovidajuči slova, blahosloviť vodu zapalenyma svičkami i ponarjať jich do vody.

Tý bo choťínijem ot ne súščich vo jéže býti privedýj vsjáčeskaja, i tvojéju deržávoju soderžíši tvár, i tovjím prómyslom strójiši mír. tý ot četyréch stichíj tvár sočinívyj, četýrmi vremeny krúh ľíta vinčál jesí. Tebé trepéščut úmnyja vsjá síly: tebé pojét sólnce: tebé slávit luná: tebé prisústvujut zvízdy, tebé slúšajet svít: tebé trepéščut bézdny: tebí rabótajut istóčnicy. Ty prostrel jesí nébo jáko kóžu: ty utverdíl jesí zémľu na vodách: ty ohradíl jesí móre piskóm: ty ko otdychánijem vózduch prolijál jesí. Archánhelskija síly tebí slúžat: Ánhelstiji licy tebí kláňajutsja: mnohoočítiji Cheruvímy i šestokrylátiji Serafímy, ókrest stojášče i obľitájušče, stráchom nepristúpnyja slávy tvojejá pokryvájutsja. Ty bo Bóh sýj neopísannyj, beznačálnyj že i neizhlahólannyj, prišél jesí na zémľu, zrák rabá prijím, v podóbiji čelovíčesťim býv: ne bo terpíl jesí, Vladýko, milosérdija rádi mílosti tvojéja, zríti ot dijávola mučíma róda čelovíča: no prišél jesi, i spásl jesí nás. Ispovídujem blahodáť, propovídujem mílosť, ne tajím blahoďijánija; jestestvá nášeho ródy svobodíl jesí; ďivstvennuju osvjatíl jesí utróbu roždestvóm tvojím; vsjá tvár vospivájet ťa jávľšahosja. Ty bo Bóh náš na zemlí javílsja jesí, i s čelovíki požíl jesí. Ty Joradánskija strují osvjatl jesí s nebesé nizposlávyj svjatáho tvojehó Dúcha: i hlávy támo hňizďaščichsja sokrušíl jesí zmijév.

Ty úbo čelovikoľúbče Cárju, prijdí i nýňi nájtijem svjatáho Dúcha, i osvjatí vódu sijú. 3x.
Dychnuvši krestoobrazno na vodu po kažďim stišku.

i dážď jej blahodať izbavlénija, blahoslovénije Jordánovo: sotvorí ju netľínija istóčnik, osvjaščénija dár, hrichóv razrišénije, nedúhov iscilénije, démonov vsehubítelstvo, soprotívnym sílam nepristúpnuju, Ánhelskija kríposti ispólnennuju: da vsí počerpájušči i pričaščájuščijisja, imíjut ju ko očiščéniju dúš i ťilés, ko isciléniju strastéj, ko osvjaščéniju domóv, i ko vsjácij pólzi izrjádnu: Ty bo jesí Bóh náš, íže vodóju i Dúchom obnovívyj obvetšávšeje hrichóm jestestvó náše. Ty jesí Bóh náš, vodóju potopívyj pri Nóji hrích: ty jesí Bóh náš, íže mórem svodívyj ot rabóty Faraóni Mojséjom ród jevréjskij. Ty bo jesí Bóh náš, razrazívyj kámeň v pustýni, i potekóša vódy, i potócy navodníšasja, i žážduščyja ľúdi tvojá nasýtivyj. Ty jesí Bóh náš, íže vodóju i ohném preminívyj Ilijéju Izráiľa ot prélesti Vaálovy.

Sám i nýňi, Vladýko, osvjatí vódu sijú Duchóm tvojím svjatým. 3x.
To hovorjači blahosloviť vodu rukov, ponorjajuči paľci u voďi.

Dážď že vsím prikasájuščymsja jej, i pričaščájuščymsja, i mážuščymsja jéju, osvjaščénije, zdrávije, očiščénije i blahoslovénije.
i spasí Hóspodi, svjaťíjšaho vselénskaho Archijeréja (imjarek) Pápu Rímskaho
Ľ.: Hospodi pomíluj.

i sochraní ich pód króvom svojím v míri: i pokorí pod nózi jehó vsjakáho vrahá i supostáta: i dážď im vsja jáže ko spaseniju prošénija, i žízň víčnuju. Pomjaní, Hóspodi bohoľubivaho jepiskopa Kyr (imjarek), vsjáko presvíterstvo, jéže vo Chrisťí dijákonstvo, i vsjákij svjaščeníčeskij čin, i predstojáščija ľúdi, i blahoslávnyja radi viný otšédšuju brátiju nášu: i pomíluj ich i nás po velícij tvojéj milosti: Da i vsími stichíjami, i Ánhely, i čelovíki, vídimymi i nevídimymi, slávitsja tvojé presvjatóje ímja, Otcá i Sýna i svjatáho Dúcha, nýňi i prísno, i vo víki vikóv.
Ľ.: Amíň.
Svj.: Mír vsím
Ľ.: i duchovi tvojemú.

Svj.: Hlávy váša Hospodévi prikloníte.
Ľ.: Tebí Hóspodi.
Poťim ticho sja moliť :
Prikloní, Hóspodi, úcho tvojé, i uslýši ný, íže v Jordáňi krestítisja izvolívyj, i osvjatívyj vódy, blahosloví vsích nás, íže priklonénijem svojejá výji naznaménujuščich rabótnoje voobražénije: i spodóbi nás ispolnítisja osvjaščénija tvojehó, pričaščénijem vodý sejá, i da búdet nám, Hóspodi, vo zdrávije dúši i ťíla.
Vozhlás: Tý bo jesí osvjaščénije náše, i tebí slávu i blahodarénije i poklonénije vozsylájem, so beznačálnym tvojím Otcém, i presvjatým i blahým, i životvorjáščym tvojím Dúchom, nýňi i prísno, i vo víki vikóv.
Ľ.: Amíň.

Svjaščenik blahosloviť vodu krestom, ponorjajuči ho 3x do vody. Za každym začinať spivati začatok troparja.
Tropár hl. 1: Vo Jordáňi kreščájuščusja tebí,Hospodi, Trójčeskoje javísja pokloneníje: Rodítelev bo hlás sviďitelstvováše tebí, vozľublénnaho ťa Sýna imenúja, i Dúch vo víďi holubíňi, izvistvováše slovesé utverždénije, javléjsja, Christé Bože, i mír prosviščéj, sláva tebí.
Sláva i nýňi: stichira, hl. 6
Vospojím vírniji, jéže o nás Bóžija blahoďijánija velíčestvo: o nášem bo prehrišéniji byv čelovík, nášim očiščénijem oščiščájetsja vo Jordáňi: jedín čístyj i netľinnyj, osvjaščájaj mené i vody, i hlavy zmijév sokrušájaj vo voďi: Počerpém úbo vódu s vesélijem, brátije, blahodáť bo Dúcha, vírno počerpájuščym nevídimo podavájetsja ot Christa Boha, i Spása duš nášych.

Spivať sja Budi imja Hospodne i odpust