Rád svätého Bazila Veľkého

Hl. 6. Voskresénije Tvojé Christé Spase*, ánheli pojút na nebesí*, i nas na zemlí spodóbi čístym serdcem* tebé píti i sláviti.

Svjaščenik pered zapertyma dverjami cerkvi začinať:

Svj.: Sláva svjaťíj jedinosúščňij, i životvorjáščij, i nerazďilímij trójci, Otcú, i Sýnu, i svjatómu Dúchu], vsehdá nýňi i prísno i vo víki vikóv.

Ľ.: Amíň.

Tropar: Christós voskrése iz mertvych, smertiju smerť popráv, i súščym vo hrobích živót darováv.

Ľ.: Tropar  tojže  2x

Da voskrésnet Boh, i rastočátsja vrazí Jehó, í da bižát ot lica Jeho nenavíďaščiji Jehó.

Jáko isčezájet dym, da ísčéznut: jáko tájet vosk ot lica ohňá.

Táko da pohíbnut hríšnicy ot lica Bóžija, a právednicy da vozveseľátsja.

Sej deň, jehóže sotvorí Hóspoď, vozrádujemsja i vozveselímsja voň.

Sláva: Christós voskrése: I nýňi: Christós voskrése:

Taže Christós voskrése: i súščym Vo hrobích: i vchodime do cerkvi.

Mirna jekténija

Svj.: Mírom Hóspodu pomolímsja.

Ľ.: Hóspodi pomíluj  (opakuje sja za každov prosbov)

Svj.: O svýšňim míri i spaséniji dúš nášich, Hóspodu pomolímsja.

Svj.: O míri vsehó míra, blahostojániji svjatých Bóžijich cerkvéj i sojedinéniji vsích, Hóspodu pomolímsja

Svj.: O svjaťím chrámi sém, i íže so víroju, blahohovínijem, i stráchom Bóžijim vchoďáščich v óň, Hóspodu pomolímsja

Svj.: O svjaťíjšem vselénsťim Archijeréji (ímja rek) Pápi Rímsťim, , i o preosvjaščnňíjšem Archijepískopi i Mitropoliťi nášem (ímja rék) i o bohoľubívim Jepískopi nášem (ímja rék), čéstňim Presvýterstvi, jéže vo Chrisťí Dijákonstvi, o vsém príčťi i ľúdech, Hóspodu pomolímsja.

Svj.: O prederžáščich vlástech nášich i o vsém vójinstvi, Hóspodu pomolímsja.

Svj.: O blahorastvoréniji vozdúchov, i o umnožéniji plodóv zemných i vrémeňich mírnych, Hóspodu pomolímsja.

Svj.: O plávajuščich, putešéstvujuščich, nedúhujuščich, truždájuščichsja, pľinénnych i o spaséniji ích, Hóspodu pomolímsja.

Svj.: O jéže izbávitisja nám ot vsjakíja skórbi, hňíva i núždy, Hóspodu pomolímsja.

Svj.: Zastupí, spasí, pomíluj, i sochraní nás, Bóže tvojéju blahodátiju.

Svj.: Presvjatúju, Prečístuju, Preblahoslovénnuju, slávnuju Vladýčicu nášu Bohoródicu i prisnoďívu Maríju so vsími svjatými pomjanúvše, sámi sebé, i drúh drúha, i vés živót náš Christú Bóhu predadím.

Ľ.: Tebí Hóspodi.

Svj.: Jáko podobájet tebí vsjákaja sláva, čésť i poklonénije, Otcú, i Sýnu, i svjatómu Dúchu, nýňi i prísno i vo víki vikóv.

Ľ.: Amíň.

Kanon Páschy:  Hl. 1.

Písň 1

 Irmos: Voskreséníja deň* prosvítímsja ľúdije*, Páscha Hóspodňa, Páscha* ot smérti bo k žizni*, i ot zemlí k nebesí*, Christós Boh nas prívedé*, pobídnuju pojúščyja.

Pripiv. Christós voskrése iz mertvych:

Očístim čúvstvija*, i úzrím nepristúpnym svítom voskreséníja*, Christá blistájuščasja*, i rádujtesja rekúšča*, jásno da uslyšim*, pobídnuju pojúšče.

Nebesá úbo dostójno da veseľátsja*, zemľá že da rádujetsja*, da prázdnujet že mir, vídimyj že ves i nevídimyj*: Christós bo vostá*, vesélije vičnoje.

Irmos: Voskreséníja deň* prosvítímsja ľúdije*, Páscha Hóspodňa, Páscha* ot smérti bo k žizni*, i ot zemlí k nebesí*, Christós Boh nas prívedé*, pobídnuju pojúščyja.

Jektenija málaja:

Svj. Páki i páki mírom Hóspodu pomolímsja.

Ľ. Hóspodi pomíluj.

Svj.: Zastupí, spasí, pomíluj, i sochraní nás, Bóže tvojéju blahodátiju.

Svj.: Presvjatúju, Prečístuju, Preblahoslovénnuju, slávnuju Vladýčicu nášu Bohoródicu i prisnoďívu Maríju so vsími svjatými pomjanúvše, sámi sebé, i drúh drúha, i vés živót náš Christú Bóhu predadím.

Ľ.: Tebí Hóspodi.

Svj.: Jáko tvojá jésť deržáva i tvojé jésť cárstvo, i síla, i sláva, Otcá, i Sýna, i svjatáho Dúcha, nýňi i prísno i vo víki vikóv.

Ľ.: Amíň

Písň 3

Irmos: Prijdíte, pitijé pijém nóvoje*, ne ot kámene neplódna čudoďíjemoje*, no netľínija istóčnik*, iz hróba odoždívša Christá*, v Némže utverždájemsja.

Nýňi vsja ispólnišasja svíta*, nébo že i zemľá i preíspódňaja*: da prázdnujet úbo vsja tvár* vostánije Chrístóvo*, v némže utverždájetsja.

Včerá spohrebóchsja Tebí Christé*, sovostajú dnés voskrésšu Tebí*: sraspináchsja Tebí včerá*, sam mja sproslávi, Spase*, vo cárstvíji Tvojém.

Irmos: Prijdíte, pitijé pijém nóvoje*, ne ot kámene neplódna čudoďíjemoje*, no netľínija istóčnik*, iz hróba odoždívša Christá*, v Némže utverždájemsja.

Jektenija málaja: vozhlas: Jáko tý jesí Bóh náš, i tebí slávu vozsylájem, Otcú i Sýnu, i svjatómu Dúchu, nýňi i prísno, i víki vikóv.

Ľ.: Amíň

Ipakoj, hl. 4. Predvarívšyja útro jáže o Maríji*, i obrítšyja kámeň otvalén ot hróba*, slýšachu ot Ánhela*: vo svíťi prisnosúščňim Suščaho*, s mértvymi čto íščete jáko čelovíka?* vídite hróbnyja pelený*, tecýte i míru propovídite*, jáko vostá Hóspoď, umertvívyj smerť*: jáko jesť Syn Bóha*, spasájuščaho rod čelovíčeskij.

Písň 4

Irmos: Na Bóžestvenňij stráži* bohohlahólívyj Avvakúm da   stánet   s   námi*,   i   pokážet   svitonósna   Ánhela*, jásno   hlahóľušča*:   dnes   spasénije   míru*,   jáko    voskrése Christós*, jáko vsesílen.

Múžeskíj úbo pol*, jáko razvérzyj ďívstvennuju utróbu*, javísja Christós, jáko čelovík že* Áhnec narečésja*, neporóčen že, jáko nevkúsen skvérny*, náša Páscha*: í jáko Boh ístínen*, soveršén rečésja.

Jáko jedinoľítnyj Áhnec*, blahoslovénnyj nam vinéc Christós*, vóleju za vsich zaklán bysť*, Páscha čistíteľnaja*: í páki iz hróba* krásnoje právdy nam vozsijá Sólnce.

Bohootéc úbo Davíd* pred sínnym kovčéhom skakáše ihrája*: ľúdije že Bóžii svjatíji*, obrazóv sbytijé zrjášče*, veselímsja božéstvenňi*,jáko voskrése Christós*, jáko vsesílen.

Irmos: Na Bóžestvenňij stráži* bohohlahólívyj Avvakúm da   stánet   s   námi*,   i   pokážet   svitonósna   Ánhela*, jásno   hlahóľušča*:   dnes   spasénije   míru*,   jáko    voskrése Christós*, jáko vsesílen.

Jektenija málaja: vozhlas: Jako blah i čelovikoľubec Bóh jesí, i tebí slávu vozsylájem, Otcú i Sýnu i svjatómu Dúchu, nýňi i prísno, i víki vikóv.

Ľ.: Amíň

Písň 5

Irmos: Útreňujem útru hlubokú*, i vmísto míra pisň prínesém Vladýci*, i Christá úzrim,  právdy   Sólnce*,   vsim žízň vozsíjájušča.

Bezmírnoje Tvojé blahoutróbije*, ádovymi úzami soderžímií zrjášče*, k svítu iďáchu, Christé*, vesélymi nohámi*, Páschu chváľašče víčnuju.

Pristupím svíščenósniji*, ischodášču Christu iz hróba jáko ženichá*, i sprázdnujim ľuboprázdenstvennymi činmi* Páschu Bóžiju spasíteľnuju.

Irmos: Útreňujem útru hlubokú*, i vmísto míra pisň prínesém Vladýci*, i Christá úzrim,  právdy   Sólnce*,   vsim žízň vozsíjájušča.

Jektenija málaja: vozhlas: Jako  svjatisja i proslavisja, prečestnóje i velikoľípnoje ímja, Otcá i Sýna i svjatáho Dúcha, nýňi i prísno, i víki vikóv.

Ľ.: Amíň

Písň 6

Irmos:   Snišél   jesí v preispódňaja   zemlí*, i sokrušíl jesí   verejí   víčnyja*,  soderžáščyja   svjázannyja,   Christé*, i trídnéven*, jáko ot kíta Jóna*, voskrésl jesí ot hróba.

Sochranív cíla známeníja Christé*, voskrésl jesi ot hróba*, kľučí Ďívy ne vredívyj* v roždeství tvojém*, i otverzl jesí nam rájskíja dveri.

Spase moj*, žívóje že i nežértvennoje Zakolénije*, jáko Boh sam Sebé vóleju privéd Otcu*, sovoskresíl jesí vseródnaho Adáma*, voskrés ot hróba.

Irmos: Útreňujem útru hlubokú*, i vmísto míra pisň prínesém Vladýci*, i Christá úzrim,  právdy   Sólnce*,   vsim žízň vozsíjájušča.

Jektenija málaja: vozhlas Jáko tý jesí Cár míra, i Spás dušám nášym, i tebí slávu vozsylájem, Otcú i Sýnu i svjatómu Dúchu, nýňi i prísno, i víki vikóv.

Ľ.: Amíň

Kondak: Hl. 8. Ášče í vo hrób sníšél jesí Bezsmértne*, no ádovu razrušíl jesí silu*: i voskrésl jesí jáko pobidíteľ Christé Bóže*, ženám mironósicam viščávyj: rádujtesja*, i Tvojím Apóstolom mir dárujaj*, pádšym podajaj voskreséníje.

Ikos. Ježe préžde solnca Sólnce zašedšeje inohdá vo hrób, predvaríša ko útru, iščúščyja jáko dne mironósicy ďívy, i druhá ko druzíj vopijáchu: o druhini, prijdíte, voňamí pomažim Ťilo živonósnoje. Ploť voskresívšuju pádšaho Adáma, ležáščuju vo hróbi: idém, potščímsja jákože volsví, i poklonímsja, i prinesem mýra jako dary, ne v pelenách, no v plaščanici obvitomu, i plačim i vozopijím: O Vladyko vostáni, padšym podajaj voskresenije.

Taže: Voskresenije Chrístóvo víďivše, poklo­nímsja svjatómu Hóspodu Isúsu, jedínomu bezhríšnomu. Krestú tvojemú poklaňájemsja Christé, í svjatoje voskre­senije tvojé pojém i slávim: Ty bo jesí Boh naš, rázvi tebé inóho ne znájem, ímja tvojé imenújem*. Priidíte vsi vírniji, poklonimsja svjatomu Christóvu voskreséniju*: se bo priíde Krestóm rádosť vsemú míru. Vsehdá bohoslóvjašče Hóspoda*, pojém voskresenije Jehó: raspjátije bo preterpív, smertiju smerť razruší. 3x.

Stichira, hl. 6. Voskrés Isús ot hróba*, jákože prorečé*, dadé nam živót vičnyj*, í véliju mílosť. 3x.

Písň 7

Irmos: Otroki ot péšči izbávivyj*, byv čelovík*, stráždet jáko smérten*, i strástiju smértnoje* v netlínija oblačít blahoľipije*, jedín blahoslovén* otcév Boh, i preproslávlen.

Žený s míry bohomúdryja* v sľid Tebé tečáchu*, Jehóže jáko mértva so slezámi Ískáchu, pokloníšasja rádujuščesja živómu Bóhu*, í Páschu tájnuju* Tvoím Christé učeníkóm blahovistíša.

Smérti prázdnujem umerščvlénije*, ádovo razrušéníje*, inóho žitija vičnáho načálo*, i ihrájušče pojém Vinóvnaho*, jedinaho blahoslovénnaho* otcév Bóha, i preproslávlennaho.

Jáko voístínnu svjaščénnaja i vseprázdenstvennaja* sijá spasítelnaja nošč*, i svítozárnaja, svítonósnaho dne* vostá­nija súšči provozvístnica*: v néjže bezľítnyj Svit* iz hróba plótski vsim vozsijá.

Irmos: Otroki ot péšči izbávivyj*, byv čelovík*, stráždet jáko smérten*, i strástiju smértnoje* v netlínija oblačít blahoľipije*, jedín blahoslovén* otcév Boh, i preproslávlen.

Jektenija málaja: vozhlas: Budi   deržava carstvija  tvojeho blahoslovénna i preproslávlenna, Otcá i Sýna i svjatáho Dúcha, nýňi i prísno, i víki vikóv.

Ľ.: Amíň

Písň 8

Irmos: Sej narečénnyj i svjatýj deň*, jedín subbót*, Car i Hospóď*, prázdnikov prázdnik*, i toržestvó jesť toržéstv*: v óňže blahoslovím Christá vo víki.

Prijdíte, nóvaho vinohráda roždénija*, božé­stvennaho vesélija*, v naróčitom dni voskresénija*, car­stvija Christóva priobščímsja*, pojúšče Jehó jáko Bóha vo víki.

Vozvedí ókrest óčí tvojí Sijóne, i vižď*: se bo prijdóša k tebí*, jáko bohosvítlaja svitíla*, ot západa, i sívera, i mórja*, i vostóka čáda tvojá*, v tebí blahoslovjáščaja Christá vo víki.

Blahoslovím Otcá, i Sýna, i svjatáho Dúcha Hóspoda nýňi i prísno i vo víki vikóv. Amíň,

Troičen: Otčé vsederžiteľu, i Slove, i Dúše*, tremí sojediňájemoje vo ypostásich jestestvó*, presúščestvenne í prebožéstvenne*: v Ťa krestíchomsja*, í Ťa blahoslovím vo vsja víki.

Chvalím, blahoslovím, poklaňájemsja Hóspodevi, pojúšče i prevoznosjášče jehó vo vsjá víki.

Irmos: Sej narečénnyj i svjatýj deň*, jedín subbót*, Car i Hospóď*, prázdnikov prázdnik*, i toržestvó jesť toržéstv*: v óňže blahoslovím Christá vo víki.

Jektenija málaja: vozhlas: Jáko blahoslovísja imja tvoje, i proslavisja carstvo tvoje, Otcá i Sýna i svjatáho Dúcha, nýňi i prísno, i víki vikóv.

Ľ.: Amíň

Písň 9

Irmos: Svítísja, svitísja, nóvyj Jerusalíme*, sláva bo Hospodňa na tebí vozsijá*, likúj nýňi i veselísja, Sijóne*: Ty že čístaja krasújsja Bohoródice*, o vostániji Roždestvá Tvojehó.

O božéstvennaho, o ľubéznaho*, o sladčájšaho Tvojehó hlása*! s námi bo nelóžno obiščálsja jesí býti*, do skončánija vika, Christé*: Jehóže vírnijí utverždénije* nadéždy imúšče, rádujemsja.

O Páscha vélíja i svjaščénňijšaja, Christé*, o Múdroste í Slove Bóžij, i Sílo*: podaváj nam ísťije Tebé pričaščátisja* v nevečérňim dni* carstvija Tvojehó.

Irmos: Svítísja, svitísja, nóvyj Jerusalíme*, sláva bo Hospodňa na tebí vozsijá*, likúj nýňi i veselísja, Sijóne*: Ty že čístaja krasújsja Bohoródice*, o vostániji Roždestvá Tvojehó.

Jekténija málaja: vozhlás: Jáko tebé chváľat vsjá síly nebésnyja, i tebí slávu vozsylájem, Otcú i Sýnu i svjatómu Dúchu, nýňi i prísno, i vo víki vikóv.

Ľ.: Amíň

Svitilen. Plótiju usnúv*, jáko mértv*, Cárju i Hóspodi*, tridnéven voskrésl jesí*, Adáma vozdvíh ot tli*, i uprazdnív smerť*: Páscha netlinija*, míra spasénije, 3x.

Hl. 4 Vsjakoje dychanije da chvalit Hospoda, chvalite Hospoda s nebes, chvalite jeho vo vyšnich. Tebi podobaje pisň Bože.

Chvalíte jehó vsí Ánheli jehó, chvalíte jehó vsjá síly jehó, tebí podobájet písň, Bóže.

Chvalíte jehó sólnce i luná, chvalíte jehó vsjá zvízdy i svít. — Chvalíte jehó nebesá nebés, i vodá jáže prevýše nebés, da voschváľat ímja Hóspodne. — Jáko tój rečé i býša, tój poveľí i sozdášasja. — Postávi já vo vík i vo vík víka, poveľínije položí i ne mímo idét — Chvalíte Hópsoda ot zemlí zmijéve i vsjá bézdny. — Óhň, hrád, sňíh, hóloť, dúch búren, tvorjáščaja slóvo jehó. — Hóry i vsí chólmi, dréva plodonósna i vsí kédry. — Zvírije i vsí skóti, hádi i ptícy pernáty. — Cáriji zémstiji i vsí ľúdije, kňázi i vsí sudijí zémstiji. — Júnoši i ďívy, stárcy s júnotami, da voschváľat ímja Hóspodne, jáko voznesésja ímja tohó jedínaho. — Ispovídanije jehó na zemlí i na nebesí, i voznesét róh ľudéj svojích. — Písň vsím prepodóbnym jehó, synovóm Izrailevym, ľúdem približjuščymsja jemu.

Psalóm 149

Vospójte Hospodévi písň nóvu, chvalénije jehó v cérkvi prepodóbnych. — Da vozveselítsja Izráiľ o sotvoršém jehó, i sýnove Sijóni vozrádujutsja o carí svojém. — Da voschváľat ímja jehó v líci, v tympáňi i psaltíri da pojút jemú. — Jáko blahovolít Hóspoď v ľúdech svojích, i voznesét krótkija vo spasénije. —Voschváľatsja prepodóbniji vo slávi, i vozrádujutsja na ložách svojích. — Voznošénija Bóžija v hortáni ích, i meči obojúdu ostrý v rukách ích. — Sotvoríti otmščénije v jazýcich, obličénija v ľúdech. — Svjazáti carí ích púty, i slávnyja ích ručnými okóvy žeľíznymi.

Psalóm 150

Sotvoríti v ních súd napísan, sláva sijá búdet vsím prepodóbnym jehó.

Chvalíte Bóha vo svjatých jehó, chvalíte jehó v utverždéniji síly jehó.

Stich Chvalíte jehó na sílach jehó,* chvalíte jehó po mnóžestvu velíčestvija jehó.

Hl. 1. Pojém tvoju, Christé, spasíteľnuju strásť, í slávim tvojé voskresénije.

Stich Chvalíte jehó v hlási trúbňim,* chvalíte jehó v psaltíri i húsľich.

Krest preterpívyj, í smerť uprazdnívyj, i voskresyj iz mertvych, umirí nášu žízň, Hóspodi, jáko jedín vsesílen.

Stich Chvalíte jehó v tympáňi i líci,* chvalíte jehó v strúnach i orháňi.

Áda pľinivyj, i čelovíka voskresívyj, voskresénijem tvoím, Christé, spodóbi nas čístym serdcem, tebé píti i sláviti.

Stich Chvalíte jehó v kymváľich dobrohlásnych, chvalíte jehó v kymváľich vosklicánija,* vsjákoje dychánije da chvalít Hóspoda.

Bohoľípnoje tvojé snischoždénije slávjašče pojém ťa, Christé, róditsja jesí ot Ďívy, i ne razlučén byl jesí ot Otcá, postradál jesí jáko čelovík, i vóleju preterpíl jesi Krest, voskrésl jesí ot hróba, jáko ot čertóha proizšéd, da spaséši mir, Hóspodi sláva tebí.

Stichíry Páschy: hl. 5. (v časi spivu stichir pritomny cilujuť krest,  ikonu, jevanhelije)

Stich: Da voskresnet Boh, i rastočatsja vrazi Jeho, í da bižát ot lica Jeho nenavíďaščiji Jeho.

Páscha svjaščénnaja nam dnes pokazásja*, Páscha nóva svjatája*, Páscha táinstvennaja*, Páscha všečestnája*, Páscha Christós Izbávitel*, Páscha neporóčnaja*, Páscha velíkaja*, Páscha vírnych*, Páscha dveri rájskija nam otverzájuščaja*, Páscha* vsich osvjaščájuščaja vírnych.

Stich: Jako isčezajet dym, da isčeznut, jáko tájet vosk ot lica ohňá.

Prjidíte ot viďínija žený blahovístnicy*, i Sijónu rcýte*: prijmí ot nas rádostí blahovíščenija*, voskresénija Christóva*: krasújsja i likúj*, í rádujsja Jerusalíme*, Carja Chri­stá uzrív iz hróba*, jáko* ženichá proischoďášča.

Stích: Tako da pohibnut hrišnicy ot lica Bóžija, a pravednícy da vozveselitsja.

Mironósícy žený, útru hlubokú predstávšja* hróbu Živodávca*, obrítóša Ánhela na kámení siďášča*, i tój proviščáv im síce hlahólaše*: čto íščete živáho s mértvymi*? čto pláčete netľínnaho vo tli*? šédše* propovídite učenikóm Jehó.

Stich: Sej deň, jehože sotvori Hospoď, vozrádujemsja i vozveselímsja v oň,

Páscha krásnaja*, Páscha Hospodňa*, Páscha*, Páscha všečestnája nam vozsijá*, Páscha, rádostiju druh druha obímem*: o Páscha izbavlénije skórbi*: íbo iz hróba dnes* jáko ot   čertóha   vozsijáv   Christós*,   žený   rádosti   ispolni hláhoľa*: propovídite Apóstolom.

Sláva i nýňi: Voskresénija deň, i prosvítímsja toržestvóm*, i druh druha obímem*, rcem Brátije*, i nenavídaščym nas prostím vsja voskresénijem*, i táko vozopijím:

Christós voskrése iz mertvych: 3x.

Svj.: Pomíluj nás Bóže po velícij mílosti tvojéj, mólimtisja uslýši i pomíluj.

Ľ.: Hóspodi pomíluj 3x.

Svj.: Jéšče mólimsja o svjaťíjšem vselénsťim Archijeréji (ímja rék), i o preosvjaščnňíjšem Archijepískopi i Mitropoliťi nášem (ímja rék) i o bohoľubívim Jepískopi nášem Kýr (ímja rék), o vsečestňíjšem otcí nášem Protoarchimandríťi (ímja rék), i Protoihúmeňi (ímja rék), Ihúmeňi (ímja rék), o služáščich i poslužívšich vo svjaťím chramí i obíteli séj, i o otcích nášich duchóvnych, i o vséj jéže vo Chrisťí brátiji nášej.

Ľ.: Hóspodi pomíluj 3x

Svj.: Ješčé mólimsja o predstojáščich ľúdech, i ožidájuščich ot tebé velíkija i bohátyja mílosti, za tvorjáščich nám mílostyňu, i za vsjá pravovírnyja christijány.

Svj.: Jáko mílostiv i čelovikoľúbec Bóh jesí, i tebí slávu vozsylájem Otcú i Sýnu i svjatómu Dúchu, nýňi i prísno i vo víki vikóv.

Ľ.: Amíň.

Jekténija prositelnaja

Svj.: Ispólnim útrenňaja molítvy náša Hóspodevi.

Ľ.: Hóspodi pomíluj.

Zastupí, spasí, pomíluj i sochraní nás, Bóže, tvojéju blahodátiju.

Ľ.: Hóspodi pomíluj.

Svj.: Útra vsehó soveršénna, svjáta, mírna i bezhríšna, u Hóspoda prosím.

Ľ.: Podáj Hóspodi.

Svj.: Ánhela míra, vírna nastávnika, chraníteľa dušám i ťílom nášym, u Hóspoda prosím.

Svj.: Proščénija i ostavlénija hrichóv i prehrišénij nášich, u Hóspoda prosím.

Svj.: Dóbrych i poléznych dušám nášym, i míra mírovi, u Hóspoda prosím.

Svj.: Próčeje vrémja životá nášeho v míri i pokajániji skončáti, u Hóspoda prosím.

Svj.: Christijánskija končíny životá nášeho, bezboľíznenny, nepostýdny, mírny, i dóbraho otvíta na strášňim sudíšči Christóvi, prosím.

Svj.: Presvjatúju, Prečístuju, Preblahoslovénnuju, slávnuju Vladýčicu nášu Bohoródicu i prisnoďívu Maríju, so vsími svjatými pomjanúvše, samí sebé, i drúh drúha, i vés živót náš Christú Bóhu predadím.

Ľ.: Tebí Hóspodi.

Svj.: Jáko Bóh mílosti i ščedrót i čelovikoľúbija jesí, i tebí slávu vozsylájem, Otcú i Sýnu i svjatómu Dúchu, i nýňi i prísno, i vo víki vikóv.

Ľ.: Amíň.

Svj.: Mír vsím

Ľ.: I dúchovi tvojemú.

Svj.: Hlavý váša Hóspodevi prikloníte.

Ľ.: Tebí Hóspodi.

Svj.: (potichy): Hóspodi svjatýj, v výšnich živýj, i na smirénnyja prizirájaj, i vsevíďaščim ókom tvojím prizirájaj na vsjú tvár: tebí prikloníchom výju duší i ťilesé, i tebí mólimsja: svjáte svjatých, prostrí rúku tvojú nevídimuju, ot svjatáho žilíšča tvojehó, i blahosloví vsích nás: i ášče čtó sohrišíchom voléju ilí nevóleju, jáko bláh i čelovikoľúbec Bóh prostí, dáruja nám mírnaja i premírnaja blahája tvojá.

Svj.: Íbo tvojé jésť jéže mílovati, i spasáti ný, Bóže náš, i tebí slávu vozsylájem, Otcú i Sýnu i svjatómu Dúchu, i nýňi i prísno, i vo víki vikóv.

Ľ.: Amíň.

velikyj odpust

Svj.: Premúdrosť.

Ľ.: Blahosloví.

Svj.: Syj blahoslovén i preproslávlen Christós Bóh náš vsehdá, nýňi i prísno, i vo víki vikóv.

Ľ.: Amíň. Utverdí, Bóže, víru katolíčeskuju vo víki vikóv.

Svj.: Presvjatája Bohoródice spasí nás.

Ľ.: Svítísja, svitísja, nóvyj Jerusalíme*, sláva bo Hospodňa na tebí vozsijá*, likúj nýňi i veselísja, Sijóne*: Ty že čístaja krasújsja Bohoródice*, o vostániji Roždestvá Tvojehó.

Svj.: Sláva tebi, Christé Bóže, upovánije náše, sláva tebí.

Ľ.: Sláva Otcú, i Sýnu, i svjatómu Dúchu, i nýňi i prísno, i vo víki vikóv. Amíň. Hóspodi pomíluj 3x. Blahosloví.

Svj.: Christós voskrése iz mertvych, smertiju smerť popráv, i súščym vo hrobích živót darováv.ístinnyj Bóh naš, molítvami prečístyja svojejá Mátere, svjatých slávnych i vsechváľnych Apóstol, prepodóbnych, i bohonósnych Otéc nášich, i vsich svjatých pomílujet i spasét nas jáko blah i čelovikoľúbec.

Ľ.: Amíň.

Svjačiňa pasok

Svj.: Sláva svjaťíj jedinosúščňij, i životvorjáščij, i nerazďilímij trójci, Otcú, i Sýnu, i svjatómu Dúchu], vsehdá nýňi i prísno i vo víki vikóv.

Ľ.: Amíň.

Tropar: Christós voskrése iz mertvych, smertiju smerť popráv, i súščym vo hrobích živót darováv.

Ľ.: Tropar  tojže  2x

Da voskrésnet Boh, i rastočátsja vrazí Jehó, í da bižát ot lica Jeho nenavíďaščiji Jehó.

Jáko isčezájet dym, da ísčéznut: jáko tájet vosk ot lica ohňá.

Táko da pohíbnut hríšnicy ot lica Bóžija, a právednicy da vozveselitsja. voskrése.

Sej deň, jehóže sotvorí Hóspoď, vozrádujemsja i vozveselímsja voň.

Sláva: Christós voskrése: I nýňi: Christós voskrése:

Svj.: Hóspodu pomolímsja:

Ľ.: Hóspodi pomíluj

Vladýko svjatýj Ótče vsederžíteľu, prevíčnyj Bóže, blahovolí osvjatíti + chľíb séj, tvojím svjatým duchóvnym blahoslovénijem, jáko da búdet vsím vskušájuščym spasénije duší, i zdrávije ťíla, i prtívu vsím nedúhom i vsjákomu vrážiju navítu zaščiščénije, Hóspodem nášym Isús Christóm s nebés sšédšym, dajúščym živót i spasénije mírovi, s tobóju živúščym o cárstvujuščym, v jedínstvi svjatáho Dúcha: nýňi i prísno, i vo víki vikóv.

Ľ.: Amíň.

Molitva na blahosloviňa ahnca paschaľnoho i inšoho mjasa.

Svj.: Hóspodu pomolímsja:

Ľ.: Hóspodi pomíluj

Svj.: Prisití, Hóspodi Isúse Christé Bóže náš, na Áhnca sehó, i na vsé sijé próčeje jadénije mjás, i blahosloví V i osvjatí já, jákože blahoslovíl i osvjatíl jesí óvna, jehóže ti preivedé vírnyj Avraám, i áhnca, jehóže tí Avéľ prinesé v vseplódije, tákožede i telcá upitánnaho, jehóže zakláti poveľíl jesí sýnovi tvojemú zablúždšemu, i páki vozvraščšusja k tebí. Da jákože tój spodóbisja tvojejá bláhosti nasladítisja, sice i mý ot tebé blahoslovénnych i osvjaščénnych sích brášen vkušájušče, tvojé blahoslovénije so zdrávijem vsí polučím, rádi čestnýho krestá tvojehó, i tridnévnaho iz mértvych voskresénija. Tý bo jesí ístinnoje brášno i dáteľ blahích, i vsjáčeskaja blahoslovľájaj i svjaťájaj, Christé Bóže náš, i tebí slávu vozsylájem s beznačáľnym tvojím Otcém, i presvjatým i blahím i životvorjáščim tvojím Dúchom, nýňi i prísno, i vo víki vikóv.

Ľ.: Amíň.

Molítva na blahosloviňa moločnych i inšych strav

Svj.: Hóspodu pomolímsja:

Ľ.: Hóspodi pomíluj

Svj.: Vladýko Hóspodi Bóže náš, sozdáteľu i tvórče vsích: blahosloví V sýr, máslo, s nímiže i jájca i próčaja sňídy, i nás sobľudí v bláhosti tvojéj, jáko da naslaždájuščesja sích tvojích nezávistno podavájemych daróv, nasýtimsja i neizhlahólannyja tvojejá bláhosti, rádi presvítlaho jéže iz mmértvych tridnévnaho voskreesénija Hóspoda nášeho Isúsa Christá. Jáko tvojá jésť deržáva, i tvojé jésť cárstvo i síla i sláva Otcá i Sýna i svjatáho Dúcha, nýňi i prísno i vo víki vikóv.

Ľ.: Amíň.

Svjaščénik blahosloviť hovorjači:

Svj.: Blahoslovénijem vsemohúščaho Bóha Otcá V i Sýna V i svjatáho V Dúcha, i síloju četnáho Krestá, i smértiju Isús Christá Hóspoda nášeho, da otbižít ot vsích sích brášen, vsjákoje nasílije sataninó, i vsjákoje priviďínije da isčéznet, v imjá Otcá i Sýna, i svjatáho Dúcha, amíň.

Kropiť svjačenov vodov hovorjači:

Svj.: Blahoslovľájuťsja i osvjaščájuťsja vsjá brášna sijá, okroplénijem vodý sejá svjaščénnyja, vo imjá Otcá, i Sýna, i svjatáho Dúcha, Amíň

Odpust velikyj jak na utreňi