večurna z prazdnika Blahoviščenija
Večurňa na Prazdnik Blahoviščenija Presv. Bohorodicy
Monastyr Sester Vasilijanok Prešov
Odpravu vede: o. Markijan M. Greško, ČSVV
Spiv: Sestry Vasilijanky
24.3.2008
Svitlyj Poneďiľok - Velika Večurňa z litijov z Prazdnika Blahoviščenija Presvj. Bohorodicy.
Svj.: Sláva svjaťíj jedinosúščňij, i životvorjáščij, i nerazďilímij trójci, Otcú, i Sýnu, i svjatómu Dúchu, nýňi i prísno i vo víki vikóv.
Ľ.: Amíň.
Tropar: Christós voskrése iz mertvych, smertiju smerť popráv, i súščym vo hrobích živót darováv.
Ľ.: Tropar tojže 2x
Da voskrésnet Boh, i rastočátsja vrazí Jehó, í da bižát ot lica Jeho nenavíďaščiji Jehó.
Jáko isčezájet dym, da ísčéznut: jáko tájet vosk ot lica ohňá.
Táko da pohíbnut hríšnicy ot lica Bóžija, a právednicy da vozveseľátsja
Sej deň, jehóže sotvorí Hóspoď, vozrádujemsja i vozveselímsja voň.
Sláva: Christós voskrése: I nýňi: Christós voskrése:
Mirna jekténija
Svj.: Mírom Hóspodu pomolímsja.
Ľ.: Hóspodi pomíluj (opakuje sja za každov prosbov)
Svj.: O svýšňim míri i spaséniji dúš nášich, Hóspodu pomolímsja.
Svj.: O míri vsehó míra, blahostojániji svjatých Bóžijich cerkvéj i sojedinéniji vsích, Hóspodu pomolímsja
Svj.: O svjaťím chrámi sém, i íže so víroju, blahohovínijem, i stráchom Bóžijim vchoďáščich v óň, Hóspodu pomolímsja
Svj.: O svjaťíjšem vselénsťim Archijeréji (ímja rek) Pápi Rímsťim, i o preosvjaščenňíjšem Archijepískopi i Mitropoliťi nášem (ímja rék) i o bohoľubívim Jepískopi nášem (ímja rék), čéstňim Presvýterstvi, jéže vo Chrisťí Dijákonstvi, o vsém príčťi i ľúdech, Hóspodu pomolímsja.
Svj.: O prederžáščich vlástech nášich i o vsém vójinstvi, Hóspodu pomolímsja.
Svj.: O blahorastvoréniji vozdúchov, i o umnožéniji plodóv zemných i vrémeňich mírnych, Hóspodu pomolímsja.
Svj.: O plávajuščich, putešéstvujuščich, nedúhujuščich, truždájuščichsja, pľinénnych i o spaséniji ích, Hóspodu pomolímsja.
Svj.: O jéže izbávitisja nám ot vsjakíja skórbi, hňíva i núždy, Hóspodu pomolímsja.
Svj.: Zastupí, spasí, pomíluj, i sochraní nás, Bóže tvojéju blahodátiju.
Svj.: Presvjatúju, Prečístuju, Preblahoslovénnuju, slávnuju Vladýčicu nášu Bohoródicu i prisnoďívu Maríju so vsími svjatými pomjanúvše, sámi sebé, i drúh drúha, i vés živót náš Christú Bóhu predadím.
Ľ.: Tebí Hóspodi.
Svj.: Jáko podobájet tebí vsjákaja sláva, čésť i poklonénije, Otcú, i Sýnu, i svjatómu Dúchu, nýňi i prísno i vo víki vikóv.
Ľ.: Amíň.
Včasi spivu Hospodi vozzvach sja kadiť, ľude stojať
Psalóm 140
Hóspodi, vozvách k tebí uslýši mja,* uslýši mja Hóspodi.* Hóspodi, vozvách k tebí uslýši mja,* voňmí hlásu molénija mojehó,* vnehdá vozváti mi k tebí,* uslýši mja, Hóspodi.
Da isprávitsja molítva mojá jáko kadílo préd tobóju: vozďijánije rukú mojéju, žértva večérňaja, uslýší mjá Hóspodi.
Položí Hóspodi chranénije ustóm mojím, * i dvér ohraždénija o ustnách mojích. — Ne ukloní sérdca mojehó v slovesá lukávstvija, * nepščeváti viný o hrisích. — So čelovíki ďílajuščimi bezzakónije, * i ne sočtúsja s izbránnymi ích. — Nakážet mjá právednik mílostiju, i obličít mjá, * jeléj že hríšnaho da ne namástit hlavý mojejá. — Jáko jéšče molítva mojá v blahovolénijich ích, * požérty býša pri kámeni sudijí ích. — Uslýšatsja hlahóly mojá jáko vozmohóša: * jáko tólšča zemlí prosídesja na zemlí, rastočíšasja kósti ích pri áďi. — Jáko k tebí Hóspodi, Hóspodi óči mojí, * na ťá upovách, ne otimí duší mojejá. –— Sochraní mjá ot síti, júže sostáviši mí, * i ot soblázn ďílajuščich bezzakónije. — Pádut vo mréžu svojú hríšnicy, * jedín jésm áz dóndeže prejdú.
Psalóm 141
Hlásom mojím k Hóspodu vozzvách, * hlasóm mojím ko Hóspodu pomolíchsja. — Prolíju préd molénije mojé, * pečáľ mojú préd vozviščú. — Vnehdá isčezáti ot mené dúchu mojemú, * i tý poznal jesí stezí mojá. — Na putí sém po nemúže choždách, * skrýša síť mňí. — Smotrjách odesnúju i vozhľadách, * i ne bí znájaj mené. — Pohíbe bíhstvo ot mené, i * ňísť vzyskajáj duší mojejá. –— Vozzvách k tebí Hóspodi rích: * tý jesí upovánije mojé, čásť mojá jesí na zemlí žívych. –— Voňmí moléniju mojemú, * jáko smiríchsja ziló. –— Izbávi mjá ot hoňáščich mjá, * jáko ukripíšasja páče mené.
Na 10: Izvedí iz temnícy dúšu mojú, ispovídatisja ímeni tvojemú.
Mené ždút právednicy, dóndeže vozdási mňi.
Na 8: Iz hlubiný vozvách k tebí Hóspodi, Hóspodi uslýši hlas moj.
Da búdut úši tvojí vnémľušči hlásu molénija mojehó.
Hl. 3. Tvoím krestóm Christé Spase smérti deržava razrušísja, i dijávola lesť uprazdnísja: rod že čelovíčeskij viroju spasájemyj, pisň Tebí vsehdá prinósit.
Na 6: Ašče bezzakónija nazriši Hóspodi, Hóspodi kto postojít, jáko u tebé očiščénije jesť.
Prosvitíšasja vsjačeskaja voskresénijem Tvoím Hóspodi, i raj páki otvérzesja: vsja že tvár' voschvaľájušči Ťa, pisň Tebí vsehdá prinósit.
Imené rádi tvojehó poterpích ťa Hóspodi, poterpí dušá mojá vo slóvo tvojé, upová dušá mojá na Hóspoda.
Slávľu Otcá i Sýna sílu, í svjatáho Dúcha pojú vlásť: nerazďíľnoje í nesozdánnoje Božestvó, Trojcu jedinosuščnuju, cárstvujuščuju vo vík víka.
Ot stráži útrenija do nóšči, ot stráži útrénija da upovájet Isrájiľ na Hóspoda.
Krestú Tvojemú čestnómu poklaňájemsja Christé, i voskresénije Tvojé pojém i slávim: ránoju bo Tvojeju my vsi isciľíchom.
Jáko u Hóspoda mílosť i mnóhoje u ného izbavlénije, i toj izbávit isrájiľa ot vsich bezzakónij jehó.
Hl. 6 (Podóben Vsé otložše): Sovít prevíčnyj otkryvája Tebí Otrokovíce, * Havriíl predstá, * Tebé lobzája i viščája: * rádujsja, zemlé nenasíjannaja. *Rádujsja kupinó neopalímaja.* Rádujsja, hlubinó neudobozrímaja. * Rádujsja, móste k nebesém prevoďáj, * i ľístvice vysókaja, júže Jákov víďi. * Rádujsja, božéstvennaja rúčko mánny. * Rádujsja, razrišénije kľátvy. * Rádujsja, Adámovo vozzvánije, * s Tobóju Hóspoď.
Chvalíte Hóspoda vsi jazýcy, pochvalíte jehó vsi ľúdije.
Javľáješimisja jáko čelovík, * hlahólet netľínnaja Otrokovíca ko Archistratíhu: * i káko viščáješi hlahóly páče čelovíka, * so mnóju bo rékl jesí Bóhu býti, * i vselítisja vo utróbu mojú. * I káko búdu, hlohóli mí, sélo prostránnoje, * i místo svjaščénija, * Cheruvímy prevoschoďáščaho, * da ne preľstíši mené léstiju, * ne poznách bo slásti, * bráku jésm nepričástna: * káko úbo otročá roždú.
Jáko utverdísja mílosť jehó na nás, i ístina Hospódňa prebyvájet vo vík.
Bóh iďíže chóščet, pobiždájetsja jestestvá čín, * hlahólet bezplótnyj: * i jáže páče čelovíka soďivájutsja, * mojím víruj ístinnym hlahólom, * vsesvjatája preneporóčnaja. * Oná že vozopí: * búdi mňí nýňi po hlahólu Tvojemú, * i róždu bezplótnaho, * plóť ot mené zaímstvovávšaho, * jáko da vozvedét čelovíka, * jáko jedín sílen, * v pérvoje dostojánije, s rastvorénijem.
Sláva i nýňi: hl. 6: Póslan bysť s nebesé Havriíl Archanhel, * blahovistíti Ďívi začátije: * i príšéd v Nazarét, * pomyšľáše v sebí, * čudesí udivľájasja: * o káko v výšnich Nepostižim syj, * ot Ďívy raždájetsja? * imíjaj prestól nébo, i podnóžije zémľu, * vo útrobu vmiščájetsja Ďivíču: * na Nehóže šestokrylátii i mnohoočitiji zríti ne móhut, * slóvom jedíňim ot seja voplotitisja blahoizvólí: * Bóžije jesť slóvo nastojáščeje. * Čto úbo stojú, i ne hlahólu Ďívi: * rádujsja, Blahodátnaja, Hospoď s tobóju: * rádujsja, čístaja Ďívo: * rádujsja, nevisto nenevístnaja: * rádujsja, Máti Života: * blahoslovén Plod čréva Tvojehó.
Vchod z kadilom i jevanhelijom
Svj: Premúdrosť prósti.
Ľ: Svíte tíchij,* svjatýja slávy,* bezsmértnaho Otcá nebésnaho,* svjatáho blažénnaho,* Isúse Christé:* Prišédše sólnca na západ,* víďivše svít večérnij,* pojém Otcá i Sýna i svjatáho Dúcha Bóha.* Dostójin jesí* vo vsja vremená,* pít býti* hlásy prepodóbnými,* Sýne Bóžij,* živót dajáj* vsemú míru,* jehóže rádi* vés mír slávit ťa.
Prokímen: hl. 7: Bóh náš na nebesí i na zemlí, vsjá jelíka voschoťí, sotvorí.
Stích: Vo ischóďi Izráilevy ot Jehípta, dómu Jákovľa iz ľudéj varvár., býsť Judéa svjatýňa jehó.
Stích: Móre víďi i pobižé, Jordán vozvratísja vspjáť.
Stích: Čtó tí jésť móre jáko pobíhlo jesí? I tebí Jordáne, jáko vozvratílsja jesí vspjáť?
Svj.: Rcim vsi ot vsejá duší, i ot vsehó pomyšlénija nášeho rcim.
Ľ.: Hóspodi pomíluj
Svj.: Hóspodi vsederžíteľu, Bóže otéc nášich, mólimtisja, uslýši i pomíluj.
Ľ.: Hóspodi pomíluj.
Svj.: Pomíluj nás Bóže po velícij mílosti tvojéj, mólimtisja uslýši i pomíluj.
Ľ.: Hóspodi pomíluj 3x.
Svj.: Jéšče mólimsja o svjaťíjšem vselénsťim Archijeréji (ímja rék), i o preosvjaščenňíjšem Archijepískopi i Mitropoliťi nášem (ímja rék) i o bohoľubívim Jepískopi nášem Kýr (ímja rék), o vsečestňíjšem otcí nášem Protoarchimandríťi (ímja rék), i Protoihúmeňi (ímja rék), Ihúmeňi (ímja rék), i o otcích nášich duchóvnych, i o vséj jéže vo Chrisťí brátiji nášej.
Ľ.: Hóspodi pomíluj 3x
Svj.: Ješčé mólimsja o predstojáščich ľúdech, i ožidájuščich ot tebé velíkija i bohátyja mílosti, za tvorjáščich nám mílostyňu, i za vsjá pravovírnyja christijány.
Svj.: Jáko mílostiv i čelovikoľúbec Bóh jesí, i tebí slávu vozsylájem Otcú i Sýnu i svjatómu Dúchu, nýňi i prísno i vo víki vikóv.
Ľ.: Amíň.
Spodóbi, Hóspodi, vo véčer sej,* bez hrichá sochranitísja nám. — Blahoslovén jesí, Hóspodi, Bóže otéc nášich,* i chváľno i proslávlenno ímja tvojé vo víki, amíň. — Búdi, Hóspodi, mílosť tvojá na nas,* jákože upováchom na ťa. — Blahoslovén jesí Hóspodi,* naučí nas opravdánijem tvojím. — Blahoslovén jesí, Vladýko,* vrazúmi nas opravdánijem tvojím. — Blahoslovén jesí, Svjatýj,* prosvití nás opravdániji tvojími. — Hóspodi, mílosť tvojá vo vik,* ďíl rukú tvojéju ne prezri. —Tebí podobájet chvalá,* tebí podobájet pínije. — Tebí sláva podobájet* Otcú i Sýnu i svjatómu Dúchu. — Nýňi i prísno, *i vo víki vikóv, amíň.
Jekténija prositeľnaja
Svj.: Ispólnim večerňaja molítvy náša Hóspodevi.
Ľ.: Hóspodi pomíluj.
Svj.: Zastupí, spasí, pomíluj i sochraní nás, Bóže, tvojéju blahodátiju.
Ľ.: Hóspodi pomíluj.
Svj.: Útra vsehó soveršénna, svjáta, mírna i bezhríšna, u Hóspoda prosím.
Ľ.: Podáj Hóspodi.
Svj.: Ánhela míra, vírna nastávnika, chraníteľa dušám i ťílom nášym, u Hóspoda prosím.
Svj.: Proščénija i ostavlénija hrichóv i prehrišénij nášich, u Hóspoda prosím.
Svj.: Dóbrych i poléznych dušám nášym, i míra mírovi, u Hóspoda prosím.
Svj.: Próčeje vrémja životá nášeho v míri i pokajániji skončáti, u Hóspoda prosím.
Svj.: Christijánskija končíny životá nášeho, bezboľíznenny, nepostýdny, mírny, i dóbraho otvíta na strášňim sudíšči Christóvi, prosím.
Svj.: Presvjatúju, Prečístuju, Preblahoslovén-nuju, slávnuju Vladýčicu nášu Bohoródicu i prisnoďívu Maríju, so vsími svjatými pomjanúvše, samí sebé, i drúh drúha, i vés živót náš Christú Bóhu predadím.
Ľ.: Tebí Hóspodi.
Svj.: Jáko Bóh mílosti i ščedrót i čelovikoľúbija jesí, i tebí slávu vozsylájem, Otcú i Sýnu i svjatómu Dúchu, i nýňi i prísno, i vo víki vikóv.
Ľ.: Amíň.
Svj.: Mír vsím
Ľ.: I dúchovi tvojemú.
Svj.: Hlavý váša Hóspodevi prikloníte.
Ľ.: Tebí Hóspodi.
Svj.: (potichy): Hóspodi Bóže naš, priklonívyj nebesá i sošédyj na spasénije róda čelovíčeskaho, prízri na rabý tvojá, i na dostojánije tvojé, tebí bo strášnomu i čelovikoľúbcu sudijí tvojí rebí svojá prikloníša hlavý, i svojá pokoriša výja, ne ot čelo-vík ožidájušče pómošči, no tvojejá naďíjuščesja mílosti, i tvojehó čájušče spasénija: íchže sochraní na vsjákoje vrémja i v nastojáščej sej véčer, i v prichoďáščuju nošč ot vsjákaho vrahá, i ot vsjákaho protívnaho ďíjstva dijávolskaho, i pomyslóv sijétnych, i vospominánij lukávych.
Svj.: Búdi deržáva cárstvija tvojehó prisnoblahoslovénna i preproslávlenna, Otcá i Sýna i svjatáho Dúcha, nýňi i prísno, i vo víki vikóv.
Ľ.: Amíň.
Na Litíji.
Pritomny vychoďat do pritvoru cerkvi
Hl. 1. bolharskij V šestýj mísjac Archistratíh póslan býsť* k tebí Ďívi i Čísťij, * vozvistíti tebí slóvo spasénija, * vkúpi že i zváti tebí: * rádujsja Obrádovannaja, Hóspoď s tobóju: * rodíši Sýna prevíčnaho ot Otcá, * í spasét ľúdi Svojá ot hrich ich.
Hl. 1. samohlasen V mísjac šestýj póslan bysť s nebesé Havrííl Archanhel* vo hrád Galiléjskij Nazarét, * prinestí Otrokovíci rádosť blahovíščenija: * i príšéd k nej vozopí hlahóľa: * rádujsja Obrádovannaja, Hóspoď s tobóju: * rádujsja, vmistílišče nevmistímaho jestestvá: * Jehóže bo nebesá ne vmistíša, * utróba tvojá vmistí blahoslovennaja: * rádujsja, čestnóje Adámovo vozzvánije, * i Jévino izbavlénije, i radosť míra, * i vesélije róda nášeho.
Hl. 1. bolharskij Póslan býsť Archánhel Havrijíl s nebesé ot Bóha, * k Ďívi neskvérňij vo hrád Haliléjskij Nazarét,* blahovistíti jéj stránnaho óbraza začátije.* Póslan býsť ráb bezplóten ko oduševlénnomu hrádu, i dvéri mýslenňij,* vozvistíti Vladýčňaho prišéstvija snítije.* Póslan býsť vójin nebésnyj ko presvjatýja slávy paláťi, *prouhotováti Ziždíteľu žilíšče neotjémlemo:* I prišéd k néj vzyváše:* rádujsja prestóle ohnezráčnyj, četverozráčnyj preslávňijšij:* rádujsja sidálišče Carjá nebésnaho: * rádujsja horó nesikómaja, prijátelišče prečestnóje: * v tebí bo vsé ispolnénije vselísja božestvá ťilésňi,* blahovolénijem Otcá prisnosúščnaho,* i soďíjstvom vsesvjatáho Dúcha.* Rádujsja obrádovannaja, Hóspoď s tobóju.
Sláva: Hl.8. samohlasen Da veseľátsja nebesá, i rádujetsja zemľá: * íbo Otcú soprisnosúščnyj, sobeznačáľnyj i soprestólnyj,* ščedrótstvo prijém, čelovikoľúbnuju mílosť, sebé postávi vo istoščánije, * blahovolénijem i sovítom Ótčim,* i vo utróbu vselísja Ďivíču, predočiščénnuju Dúchom,* o Čudesé! Bóh v čelovícivh: * Nevmistímyj v ložesnách, Bezľítnyj v ľíto: * i jéže preslávňije, jáko i začátije bezsímenno,* i istoščánije neskazánno i tájinstvo jelíko:* Bóh bo istoščavájetsja i voploščájetsja i zíždetsja,* Ánhelu k Čísťij začátije hlahólavšu: * rádujsja obraádovannja,* Hóspoď s tobóju, i míjaj véliju mílosť.
I nýňi hl.2: bolharskij Blahovistvújet Havrijíl blahodátňij dnés:* Rádujsja, nenevístnaja Máti i neiskusobráčnaja.* Ne udivľájsja stránnomu mojemú zráku,* ni užasájsja, archánhel bo jésm.* Zmíj preľstí Jévu inohdá,* nýňi že blahovistvúju tebí rádosť,* i prebúdeši netľínna,* i rodíši Hóspoda, Prečístaja.
Litijna jekténija:
Svj.: Spasí, Bóže, ľúdi tvojá, i blahosloví dostojánije tvojé, posití mír tvoj mílostiju i ščedrótami, vozvýsi róh christijánskij, i nizposlí na ný mílosti tvojá bohátyja, molítvami prečístyja Vladýčicy nášeja Bohoródicy i prisnoďívy Maríji; síloju čestnáho i životvorjáščaho Krestá, zastuplénmi nebésnych Síl bezplótnych, čestnáho i slávnaho proróka, predtéči i krestíteľa Joánna, svjatých slávnych i vsechváľnych Apóstol, i íže vo svjatých Otéc nášich i vseléňskich velíkich učítelej i svjatítelej: Vasílija Velíkaho, Hrihórija Bohoslóva i Joánna Zlatoústaho, Athanásija i Kyrílla, i íže vo svjatých otcá nášeho Nikolája Mýr Lykíjskich čudotvórca, svjatých slavjáňskich Apóstol Kyrílla i Methódija, i svjatáho svjaščenomúčenika Josafáta, svjatých, slávnych i dobropobídnych Múčenik, prepodóbnych i bohonósnych otéc nášich, svjatých i právednych Bohootéc Joakíma i Ánny i prepodobných i bohonósnych otéc nášich Antónija i Theodósija Pečérskich, i svjatáho (jehóže jésť deň ilí chrám), i vsích Svjatých tvojích: mólim Ťa mnohomílostive Hóspodi, uslýši nás hríšnych moľáščichtisja, i pomíluj nás.
Ľ.: Hóspodi pomíluj 12x
Svj.: Jéšče mólimsja o svjaťíšem vselénsťím Archijeréji (ímja rék) Pápi Rímsťim, i o preosvjaščenňíjšem Archijepískopi i Mitropoliťi nášem (ímja rék) i o bohoľubívim jepískopi nášem Kýr (imjá rek), i o vsečestňíjšem otcí nášem Protoarchimandríťi (ímja rék), Protoihúmeňi (ímja rék), Ihúmeňi (ímja rék), i otcích nášich duchóvnych, i vséj vo Chrisťí brátiji nášej, i o vsjácij duší christijánsťij skorbjáščej i ozlóblenňij, mílosti Bóžija i pómošči trébujuščej: o pokrovéniji svjatáho chráma sehó (obíteli sejá) i živúščich v ném (v néj), o soumiréniji i ustrojéniji vsého míra: o blahostojániji svjatých Bóžijich Cerkvéj, o spaséniji i pómošči, íže so tščánijem i stráchom Bóžijim truždájuščichsja i služáščich otéc i brátij nášich, o póslannych, i vo otšéstviji súščich, o isciléniji v némoščech sležáščich, o pókoj blažénnyja pámjati i ostavléniji hrichóv vsím prežde počívšym otcém i brátijam nášim zďi ležáščym i povsjúdu pravovírnym: o izbavléniji pľinénnych, o brátijach nášich vo slúžbach súščich, i o vsích služáščich i poslužívšich vo svjaťím chrámi sém (obíteli séj), rcím vsí.
Ľ.: Kýrije eléjson 12x
Svj.: Uslýši ný, Bóže Spasíteľu náš, upovánije vsích koncéj zemlí, i súščich na móri daléče, i Mílostive, mílostiv búdi nám o hrisích nášich i pomíluj nás: mílostiv bo i čelovikoľúbec Bóh jesí, i tebí slávu vozsylájem, Otcú i Sýnu i Svjatómu Dúchu, nýňi i prísno, i vo víki vikóv. Amíň.
Svj.: † Mír vsím.
Ľ.: I dúchovi tvojému.
Svj.: Hlavý váša Hóspodevi prikloníte.
Ľ.: Tebí Hóspodi.
Svj.: Vladýko mnohomílostive, Hóspodi Isúse Christé Bóže náš, molítvami prečístyja Vladýčicy nášeja Bohoródicy i prisnoďívy Maríji, síloju čestnáho i životvorjáščaho Krestá, zastuplénmi nebésnych Sil bezplótnych, čestnáho i slávnaho proróka, predtéči i krestíteľa Joánna, svjatých slávnych i vsechváľnych Apóstol, svjatých, i dobropobídnych Múčenik, prepodóbnych i bohonósnych otéc nášich, i íže vo svjatých Otéc nášich i vseléňskich velíkich učítelej i svjatítelej: Vasílija Velíkaho, Hrihórija Bohoslóva i Joánna Zlatoústaho, Athanásija i Kyrílla, i íže vo svjatých otcá nášeho Nikolája Mýr Lykíjskich čudotvórca, svjatých slavjáňskich Apóstol Kyrílla i Methódija, i svjatáho svjaščenomúčenika Josafáta, svjatých i právednych Bohootéc Joakíma i Ánny i prepodobných i bohonósnych otéc nášich Antónija i Theodósija Pečérskich i svjatáho (jehóže jésť deň ilí chrám) i vsích Svjatých tvojích: blahoprijátnu sotvorí molítvu nášu, dáruj nám ostavlénije prehrišénij nášich, pokrýj nás króvom krylú tvojéju, otžení ot nás vsjákaho vráha i supostáta, umirí nášu žízň, Hóspodi, pomíluj nás i mír tvój, i spasí dúšy náša, jáko bláh i čelovikoľúbec.
Ľ.: Amíň.
Na Stichovnich Stichiry:
Hl. 3. Strástiju Tvojeju Christé omračívyj sólnce i svítom Tvojehó voskresénija prosvitívyj vsjačeskaja, prijmí nášu večérňuju pisň, Čelovikoľúbče.
Stichíry Páschy: hl. 5.
Stich: Da voskresnet Boh, i rastočatsja vrazi Jeho, í da bižát ot lica Jeho nenavíďaščiji Jeho.
Páscha svjaščénnaja nam dnes pokazásja*, Páscha nóva svjatája*, Páscha táinstvennaja*, Páscha všečestnája*, Páscha Christós Izbávitel*, Páscha neporóčnaja*, Páscha velíkaja*, Páscha vírnych*, Páscha dveri rájskija nam otverzájuščaja*, Páscha* vsich osvjaščájuščaja vírnych.
Stich: Jako isčezajet dym, da isčeznut, jáko tájet vosk ot lica ohňá.
Prjidíte ot viďínija žený blahovístnicy*, i Sijónu rcýte*: prijmí ot nas rádostí blahovíščenija*, voskresénija Christóva*: krasújsja i likúj*, í rádujsja Jerusalíme*, Carja Christá uzrív iz hróba*, jáko* ženichá proischoďášča.
Stích: Tako da pohibnut hrišnicy ot lica Bóžija, a pravednícy da vozveselitsja.
Mironósícy žený, útru hlubokú predstávšja* hróbu Živodávca*, obrítóša Ánhela na kámení siďášča*, i tój proviščáv im síce hlahólaše*: čto íščete živáho s mértvymi*? čto pláčete netľínnaho vo tli*? šédše* propovídite učenikóm Jehó.
Stich: Sej deň, jehože sotvori Hospoď, vozrádujemsja i vozveselímsja v oň,
Páscha krásnaja*, Páscha Hospodňa*, Páscha*, Páscha všečestnája nam vozsijá*, Páscha, rádostiju druh druha obímem*: o Páscha izbavlénije skórbi*: íbo iz hróba dnes* jáko ot čertóha vozsijáv Christós*, žený rádosti ispolni hláhoľa*: propovídite Apóstolom.
Sláva: Hl.4. Dnés rádosť Blahoviščénija, * ďívstvennoje toržestvó,* nížňaja s výšnimi sovokupľájutsja.* Adám obnovľájetsja, i Jéva pérvyja pečáli svoboždájetsja:* i sin nášeho suščestvá, obožénijem prijémšaho smišénije,* Cérkov Bóžija býsť:* o tájinstvo! Óbraz istoščánija nevídom,* bohástvo bláhosti neskazánno.* Ánhel slúžit čudesí,* Ďivíča utróba Sýna prijémlet:* Dúch svjatýj nizposylájetsja,* Otéc svýše blahovolít:* i izminénije óbščim tvorítsja sovítom,* v némže i ímže spásšesja, vkúpi s Havrijílom k Ďívi vozopijím:* Rádujsja obrádovannaja:* iz nejáže spasénije Christós Bóh náš,* jéže po nám prijém jetstvó, k sebí vozvedé,* tohó molí, spastísja dušám nášym.
I nýňi: Voskresénija deň, i prosvítímsja toržestvóm*, i druh druha obímem*, rcem Brátije*, i nenavídaščym nas prostím vsja voskresénijem*, i táko vozopijím:
Christós voskrése iz mertvych: 3x.
Sláva i nýňi: Tropár, hl. 4. Dnés spasénija nášeho hlavízna,* i jéže ot víka tájinstva javlénije:* Sýn Bóžij Sýn Ďívy byvýjet,* i Havrijíl blahodáť blahovistvújet:* Ťímže i mý s ním Bohoródicy vozopijím:* Rádujsja, blahodátnaja Hóspoď s tobóju.
V časi spivu troparja svjaščennik zo 4 bokiv kadiť litijny dary
Blahoslovénije chľibiv:
Svj.: Hóspodu pomolímsja.
Ľ.: Hóspodi pomíluj.
Svjaščenyk čitať molitvu posvjačiňa litijnych dariv:
Hóspodi Isúse Christé Bóže náš, blahoslovívyj pjať chľíbov, i pjať týsjač naróda nasýtivyj: sám i nýňi, Vladýko, blahosloví chľíby sijá, † pšenícu, vinó, i jeléj, i umnóži já vo hráďi sém, (vési, abo obíteli sej) i vo vsém míri tvojém vsehdá, i ot ních vkušájuščych vírnych tvojích osvjatí. Jáko ty jesí blahoslovjájaj i osvjaščájaj Christé Bóže naš, i tebí slávu vozsylájem, so beznačálnym ti Otcém, i vsesvjatým, i blahím, i životvorjáščym ti Dúchom, nýňi i prísno, i vo víki vikóv.
Ľ.: Amíň.
Christós voskrése iz mértvych.. 3x
Odpust paschy.