Rád svätého Bazila Veľkého

"Sčastlivyj Novyj hod" 

želajet i bohatyj i ubohij, i molodyj i staryj, i žena i mužčina, — svojim poznatym, druham, srodnikam.
   Duže krasnoje pojavlenije to christianskoj duši, na ustach kotoroj iiji slova povinny byti ne porožnij obyčaj, ale iz serdca, iz ľubvi bližňaho vyplyvajušča horjača molitva.
   Jak vaš archipastyr ne toľko horjačoju molitvoju prošu Vsemohuščaho, čtoby dal vsim mojim duchovným diťam „sčastlivyj Novyj hod", ale i ukazati choču korotko totu dorohu, na kotoroj želanije moje i zdijstnitisja možet.
   Čto tak malo tich — tak pristrastno želajemych, „sčastlivych novych hodov", pričina tomu ta, čto otdalili sme sja ot istočnika sčasťa, blaženstva.Teperešnij svit vsimi silami kinulsja na puť materialnosti, tilesnosti, roskošov ta pustoj slavy. To jesť, tam hľadajet blaženstvo, hdi ne možno jeho najti. 
   Čim dalše otdaľujetsja ot Hospoda Iisusa i jeho nauki, tym stajet nesčastlivijšim.Ne potrebno nam dolho vyhľadovati dorohu, kotora vedet do sčasťa, do blaženstva. „Az jesm puť, istina i život", - kažet nam nebesnyj Vožď; a kto za nim idet, „ne chodit v temnoti " i tak ne možet zabluditi na dorohi dočasnoho i vičnoho blaženstva. Iisus Christos, t. j. Jeho nauka jesť tota doroha, po kotoroj majeme choditi, jesť ta pravda, kotoru majeme viriti i Jeho život jesť primirom našim, jak majeme žiti.
   Chočete v novom roku sčastlivy byti? Tohda posluchajte neskoľko sovitov vašeho archipastyrja:
   Ne zabyvajte nikohda, čto ne sej svit jesť naša poslidňa štacija; čto ne imijeme tut stalaho obitališča, no odno buduščoje, vičnoje hľadajeme. „Kaja poľza čeloviku, jesli ves mir priobrijet, jedinu dušu svoju utratiť".
   Deržte postojanno pred očami Sud Božij, na kotorom vsi, bez izjatija musime pojavitisja i rachunok zdati iz vsich našich ne toľko dil i slov, ale ješče i najtajnijšich i najhaneblivšich myslej i želanij. Dilajte vsehda tak, jak na smerteľnoj posteli dilali by vy.
   „Jako ot lica zmija, biži ot smertelnaho hricha", - kažet sv. Pisanije; a jesli sohrišili ste, ne otdaľajte sv. spoviď, ibo „smerť jako zlodij prijdet, kohda ne čekajeme jeho"; a jesli smerť v ťažkom hrichu našla by vas, tohda v pohibeli budet vaša vična doľa.
   Pomirtesja s hnivnikami; otpuste i tym, kotory vas duže obrazili, okrivdili, oklevetali, ibo inače ne možeme čekati ni my otpuščenije hrichov na­šich ot Hospoda Boha.
   Vynahoroďte škody, jaki bližnim i vašim sdilali, vernijte vse, čto ukrali, ibo čuža rič takij ťahar na duši, kotoryj ne toľko zaboronajet vstup do Carstva, ale obťažujet, nespokojujet, hryzet dušu čerez cilyj život.
   Deržtesja svojej otcevskoj pravoslavno-katoličeskoj viry, ibo bez istinnoj viry ne možno podobatisja Bohu.
   Kotory otstupili ot pravoslavno-katoličeskoj viry, ne dumajte sobi, čto chodite po dorozi spasenija; vira, kotora iz nenavisti, iz hnivu, iz pomsty, iz špeku­lacii abo innych materialnych pričin vyrosla v serdcach vašich, ne spaset duši vaši. Vira jesť dar Božij, a ne tovar do torhovli.
   Ľubte Boha vysše vseho —bližňaho jako sebe; čto sebi ne želajete, nedilajte bližnemu.
   Ne roptajte protiv krestov, jaki Hospod položit na pleči vaši, ibo jak možeme naslidovati Iisusa, Jeho učenikami byti, jesli krestami ne byli by obťaženy, jako naš Učitel Nebesnyj?!
   Horjača molitva i častoje sv. pričastije budut vam na pomoč na doro­zi života christianskoho; uživajte siji dva sredstva čim častijše, i tohda predpisanny točki vypolniti ne budet ťažko.
   Kohda vsim Vam iz hlubiny serdca sčastlivyj novyj rok želaju, prošu Vas, čtivy predloženny 10 točki pred očami deržali, do nich prisposobľalisja, i tohda novyj rok dijstviteľno sčaslivyj blažennyj budet.
Prjašev, vv. prazdnik pervomučenika Stefana.
Vas ščiro ľubjaščij otec
+ Pavel ČSVV,
jep., ap. administrátor.